Qoǵam • 17 Qańtar, 2022

Áleýmettik tólemder keshikken joq

44 ret kórsetildi

Qostanaı oblysynda zeınetaqy men járdemaqy tólemderi turǵyndardyń jeke esepshotyna óz ýaqytynda kelip tústi.

Eńbek jáne áleýmettik qor­ǵaý departamentiniń ókilderi 6 qań­tarǵa deıin zeınetaqy men járdemaqyǵa qosylǵan ósim­der­diń «Qazposhta» men ekinshi deń­geıli bankterge aýdaryl­ǵanyn, el kóleminde engizilgen tótenshe jaǵdaı tártibine qara­mastan, atalǵan sanattaǵy aza­mattarǵa bólinetin qarjy aýda­rymdarynyń keshigýi múmkin emes ekenin aıtyp otyr.

– Biz ótken jeltoqsan aıyna deıin zeınetaqy men áleýmettik járdemaqylarǵa qosylatyn aqsha aıyrmashylyǵyn qaı­ta eseptep, tólemderdi óz ýaqy­tynda jiberdik. Bıyldan bastap bazalyq zeınetaqy mól­she­ri 7 paıyzǵa ósti, – dedi depar­tamenttiń bólim bastyǵy Arman­gúl Ábdiqadyrova.

Máselen, buǵan deıin 144 myń teńge zeınetaqy alyp kel­gen Qostanaı qalasynyń tur­ǵyny Muqtar Beksultanov 10 qańtarda qolyna 152 myń teńge tıgenin aıtty. Zeınetker memlekettiń qa­rııa­larǵa qam­qorlyq kórsetip otyrǵanyna rı­zashylyq bildirdi.

Eńbek jáne áleýmettik qorǵaý departamenti qyzmetkerleriniń aıtýynsha, qańtar aıynan bas­tap ózge de áleýmettik járdem­aqylar mólsheri 5 paıyzǵa ósken. Sondaı-aq memleket­tik qyzmetterdi kórsetý erejele­ri­ne engen ózgeristerge sáıkes, múge­dektik merzimi tótenshe jaǵ­daıǵa baılanysty avtomatty túrde 5 jel­toqsannan 19 qańtarǵa deıin uzartylyp otyr. Sondyqtan múgedektik merzimi aıaqtalyp qal­ǵan múmkindigi shekteýli jan­dar­dyń alańdaýyna negiz joq. Ol kisiler óńirde tótenshe jaǵ­daı rejimi alynyp tastalǵan soń, burynǵysha qalypty kýálan­dyrýdan ótetin bolady.

 

Qostanaı oblysy

 

Sońǵy jańalyqtar

Oraz Jandosov jańa qyzmetke taǵaıyndaldy

Taǵaıyndaý • Búgin, 14:10

Aldaǵy kúnderi aýa raıy qandaı bolady

Aýa raıy • Búgin, 11:35

Búgingi valıýta baǵamy

Qarjy • Búgin, 09:32

Elimizdiń birqatar oblysynda úsik júredi

Aýa raıy • Búgin, 09:18

Arǵymaqtar alamany

Aımaqtar • Búgin, 08:42

Azııanyń úzdigi dep tanyldy

Sport • Búgin, 08:40

Uqsas jańalyqtar