Aımaqtar • 17 Qańtar, 2022

Qaraǵandy oblysynda aýsyl indetiniń oshaǵy anyqtaldy

77 ret kórsetildi

Qaraǵandy oblysy Shet aýdanynda aýsyl indetiniń oshaǵy anyqtaldy, dep habarlaıdy Egemen.kz.


Bul týraly Aýyl sharýashylyǵy mınıstrliginiń baspasóz qyzmeti málim etti.

Indet Kıikti aýyldyq okrýginiń Taldybulaq qystaǵyndaǵy «Murat»  sharýa qojalyǵynda iri qara mal arasynda tarady.

14 qańtarda fermerlik sharýashylyq aýmaǵynda karantın jarııalandy.

Bas memlekettik veterınarııalyq-sanıtarııalyq ınspektory Asqar Jaqypbaevtyń sheshimi boıynsha dezınfeksııalaý jumystaryn júrgizý úshin respýblıkalyq qordan «Glıýzamın VET» quraly bólindi.

Indet oshaǵyndaǵy mal qan shyǵarylmaı joıylyp, keıin aýrý jáne olarmen qatynasta bolǵan janýarlar órteledi.

«Janýarlardyń ólekselerin órteý arnaıy jabdyqtalǵan ınsınerator jyljymaly avtokóliginde júrgiziledi. Mal úshin ótemaqy zańnamada belgilengen tártippen tólenedi»», delingen habarlamada.

Qazirgi kúni oshaqtaǵy ınfeksııany joıý úshin respýblıkalyq jáne jergilikti veterınarlyq mekemelerdiń kúshteri tartyldy.

«Aýrýdy oqshaýlaý úshin 6 arnaıy tehnıka men 25 qyzmetker jumyldyryldy. Sondaı-aq, karantın sońǵy aýrý janýar joıylǵan kúnnen 21 kún ótken soń jáne veterınarııalyq-karantındik is-sharalar ótkizilgennen keıin qorytyndy dezınfeksııa sapasynyń nátıjelerine sáıkes alynyp tastalady», dedi mınıstrliktegiler.




Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar