Koronavırýs • 17 Qańtar, 2022

ShQO-da «omıkron» shtamy anyqtalǵan joq

130 ret kórsetildi

Shyǵys Qazaqstan oblysy koronavırýstyq ınfeksııanyń taralý qarqyny boıynsha «qyzyl» aımaqqa kóshti, dep habarlaıdy Egemen.kz oblys ákimdiginiń baspasóz qyzmetine silteme jasap.

Epıdemıologııalyq jaǵdaıdy baǵalaý matrısasynyń derekterine sáıkes, 16 qańtardaǵy jaǵdaı boıynsha elimizdiń barlyq óńirleri «omıkron» shtamynyń aınalymy men COVID-19 juqtyrý jaǵdaılarynyń kóbeıýine baılanysty «qyzyl» aımaqta tur.

Densaýlyq saqtaý basqarmasynyń resmı derekteri boıynsha, osy jyldyń 17 qańtaryndaǵy jaǵdaı boıynsha óńirde bir táýlik ishinde ınfeksııa juqtyrýdyń 213 jańa jaǵdaıy tirkelgen. Onyń ishinde 199 sımptomdyq jáne 14 sımptomsyz vırýs tasymaldaýshylar bar. Dese de, oblys aýmaǵynda «omıkron» shtamy anyqtalǵan joq.

Aýrýhanalardaǵy tósek-oyrn qamtylýynyń jalpy kórsetkishi 9,6 paıyzdy quraıdy. Bir táýlik ishinde tórt naýqas saýyǵýyna baılanysty stasıonarlardan shyǵaryldy. Stasıonar jaǵdaıynda barlyǵy 183 naýqasqa em kórsetiledi.

ShQO sanıtarlyq-epıdemıologııalyq baqylaý departamenti basshysynyń orynbasary Ǵalymbek Álın brıfıngte óńirdegi epıdemıologııalyq jaǵdaı týraly baıandady.

«17 qańtarda oblystyń bas sanıtarlyq dárigeriniń jańa qaýlysy shyqty, oǵan sáıkes aımaqta sanıtarlyq-karantındik sharalardy qatańdatý qaıta engiziledi», dedi ol.

Sońǵy jańalyqtar

Uqsas jańalyqtar