Ekonomıka • 17 Qańtar, 2022

Úkimette naryqty suıytylǵan gazben qamtý máselesi qaraldy

28 ret kórsetildi

QR Premer-Mınıstri Álıhan Smaıylovtyń tóraǵalyǵymen ótken munaı-gaz jáne energetıka salalaryn damytý jónindegi Vedomstvoaralyq komıssııanyń (VAK) otyrysynda ishki naryqty suıytylǵan gazben úzdiksiz qamtamasyz etý máselesi qaraldy, dep habarlaıdy Egemen.kz.

Memleket basshysy Qasym-Jomart Kemeluly Toqaevtyń tapsyrmasyn oryndaý aıasynda suıytylǵan munaı gazyn (SMG) elektrondyq saýda alańynan (ESA) tys – jergilikti atqarýshy organdardyń ótinimderi negizinde ishki naryqqa jetkizý jospary arqyly satý týraly sheshim qabyldandy. 

QR Ishki naryǵyna suıytylǵan munaı gazyn jetkizý josparyn qalyptastyrý qaǵıdalaryna munaı-gaz hımııasy kásiporyndarymen jáne toptyq rezervýarlyq qondyrǵylarmen (turmystyq muqtajdyqtar úshin) qatar SMG-ny ESA-dan tys satyp alýǵa quqyǵy bar sýbektilerdiń tizimin keńeıtýdi kózdeıtin ózgerister engizildi, mundaı quqyqqa avtogaz quıý stansııalary, gaz jelisi uıymdary, gaz toltyrý beketteri, gaz toltyrý stansııalary ıe boldy. 

Energetıka mınıstrligi sýbektilerdiń atalǵan jańa sanattary úshin ESA-dan tys ishki naryqta SMG-ny bólýge ýákiletti. 

SMG kóterme jáne bólshek saýdada ótkizýdiń 150-den astam sýbektisi jumys isteıtin óńirlerdiń ákimdikteri osyndaı sýbektiler arasynda suıytylǵan munaı gazyn bólýdiń óz tetikterin ázirleýge ýákiletti. 

2021 jylǵy jeltoqsanda jáne 2022 jylǵy qańtarda bólshek saýdada ótkizýshiler  ESA-larda suıytylǵan gaz kólemderin kóterme naryq baǵalary boıynsha satyp aldy. 

Bıyl 5 qańtarda suıytylǵan munaı gazyn bólshek saýdada satýǵa shekti baǵalar belgilendi (óńirlerge qaraı – lıtrine 50 teńgeden 70 teńgege deıin, shalǵaı aýdandarda – lıtrine 55 teńgeden 75 teńgege deıin), sondaı-aq shekti kóterme baǵa bir tonnasyna 38 701 teńgeden 28000 teńgege deıin tómendedi.

Sońǵy jańalyqtar

Uqsas jańalyqtar