Qoǵam • 18 Qańtar, 2022

Úsh jylda 26 myń jumys ornyn qurmaq

51 ret kórsetildi

Túrkistan oblysynda 2022-2025 jyldar aralyǵynda 26 myń jumys ornyn qurý josparlanyp otyr. Oblystyń TOP-10 ınvestısııalyq jobasynyń tizbesi qalyptastyrylyp, 2,4 trln teńgeniń 169 jobasy naqtylandy.

Memleket basshysy Qasym-Jomart Toqaevtyń Májilistiń otyrysynda aıtqan jumyspen qamtý máselesin sheship, oblys­tarda áleýmettik jáne mádenı damýyna jaǵdaı jasaý kerektigi óńirde júzege asyrylýy tıis jobalarda negizge alynǵan. Prezıdent: «Qazaqstannyń óńirleri birdeı deńgeıde damyp jatpaǵany barshaǵa aıan. Teńsizdik áleýmettik jaısyzdyq pen mıgrasııalyq kóńil kúıge jol ashady. Sońǵy oqıǵalar batys jáne ońtústik óńirlerde halyqty eńbekpen qamtýdyń ózekti máselelerin kórsetti. Bul óńirlerde bala týý deńgeıi joǵary, al ekonomıka óńir turǵyndaryn jumyspen qamtyp úlgere almaı jatyr. Sondyqtan júıeli ındýstrııalandyrý, sha­ǵyn jáne orta bızneske kómek kórsetý, atalǵan oblystarda qyzmet kórsetý salasyn damytý óńirlik emes, ulttyq basymdyq bolmaq», dedi.

Oblys ákimi О́mirzaq Shókeev ındýstrııalandyrý jáne ınves­tısııa tartý jumystary barysy talqylanǵan májiliste Túrkistan qalasynda túrkitildes elderdi (Túrkııa, Ázerbaıjan, О́zbekstan, Qyrǵyzstan, Ven­g­rııa) biriktiretin arnaıy eko­nomıkalyq aımaq qurý týraly bastama aıasynda jumystar júrgizilip jatqanyn málim etti. Aýmaǵy 4 myń gektar bola­tyn TURAN arnaıy ekono­mıkalyq aımaǵynyń 67 jobadan turatyn ınvestısııalyq qorjynynyń jalpy quny 530 mlrd teńgeden asqan. О́tken jyly oblystyń negizgi kapıtalyna 500 mlrd teńgeden astam ınvestısııa baǵyttaldy. Onyń ishinde syrtqy ınvestısııa kólemi 80,8 mlrd teńgeni qurady. Oblysqa shetelden 350 mln dollar kóleminde ınvestısııa tartý ındıkatory bekitilgen. О́ńirde jalpy quny 136,4 mlrd teńgege 1 myńǵa jýyq jumys ornyn ashýmen 33 ınvestısııalyq joba júzege asyrylmaq. Budan bólek oblysta aldaǵy 3 jylda aýyl sharýashylyǵy salasynda jalpy quny 832,3 mlrd teńgege 17 myńnan astam jumys orny ashylatyn 104 ınvestjoba júzege asyrylady. Sheteldik ınvestısııalardy óńirge tartý maqsatynda, Túrkistan oblysy delegasııasynyń Túrkııa Respýblıkasyna jasaǵan sapary aıasynda shamamen 20 túrkııalyq kompanııamen kelissóz júrgi­zilgen. Nátıjesinde, jalpy quny 7 mln dollarǵa teń, shamamen 140 jumys orny qurylatyn Teksan Madencilik sınk konsentratyn óndirý zaýyty jáne YSL Group úı jıhazyn shyǵarý zaýytyn iske asyrýǵa kelisim jasalyndy. Apparattyq májiliste búginde túrkııalyq ınvestorlar óz jobalarynyń qurylys-montajdaý jumystaryn júr­gi­zip jatqany aıtyldy. So­ny­men qatar Saýran aýdanyn­da «Agroparkte» jemis-jıdek daqyldaryn ósirý baǵy, ınten­sıvti baq ósirý, jońyshqa ósirý jobalary júzege asyrylýda.

Jańa jumys oryndaryn ashýǵa «Aýyl – el besigi» jobasy da oń septigin tıgizýde. Oblysta atalǵan joba aıasynda qolǵa alyn­ǵan sharýa kóp. Mysaly, bıy­lǵa 320 jobany iske asyrýǵa 18 mlrd teńge qajet. Ulttyq ekonomıka mınıstrligine usynys engizilip, 11,7 mlrd teńgege 223 joba qoldaý tapqan. О́.Shókeev óńirdiń bıýdjetaralyq qaty­nas­taryn jetildirý jáne «Aýyl – el besigi» jobasyn júzege asyrý barysyndaǵy ju­mys­tardy saralap, tıisti basshy­larǵa jumysty jandandyrýdy tapsyrdy. «Memleket basshysy Qasym-Jomart Toqaev Parlament Májilisiniń otyrysynda birqatar tapsyrma berdi. Onyń ishinde halyqtyń tabysyn arttyrý, janar-jaǵarmaıdyń baǵasyn turaqtandyrý, «Aýyl – el besigi» jobasy jáne bız­nestiń «Bıznestik jol kartasy» baǵdarlamalary sheńberinde ońtústik óńirler úshin jekelegen baǵyttar ázirleý júkteldi. Sondyqtan bul baǵdarlamalarǵa basa nazar aýdarý kerek. Bıýd­jetaralyq qatynastardy reformalaý, agrarlyq keshendi sýbsıdııalaýdy jetildirý, mal azyǵymen qamtamasyz etý, áleý­mettik mańyzy bar azyq-túlik taýarlary baǵasyn turaq­tandyrý, jastardy jumyspen qamtý, bilikti pedagogterdi tartý, din, azamattyq qoǵam já­ne jastar saıasaty boıynsha jos­­parlanǵan sharalar men mindet­terdi aıqyndaý kerektigi de aı­­tyldy. Oblysta osy baǵyt­ta ju­mys kúsheıtiledi», dedi О́.Shó­keev. Al oblystyq strategııa jáne ekonomıkalyq da­mý basqarmasynyń basshy­sy Qanat Qaıypbektiń aıtýyn­sha, «Aýyl – el besigi» baǵdar­lamasynyń 109 jobasyn júzege asyrýǵa qosymsha 7,8 mlrd teńge qajet. Osyǵan baıla­nysty respýblıkalyq bıýd­jetti naqtylaýǵa tıisti ótinim­der engizý boıynsha jumys bastalǵan. Jalpy joba aıasynda 5 jylda 614 eldi meken­ge jańǵyrtý jumystaryn júr­gizý josparlanǵan. Salalyq basqarmalar, aýdan jáne qa­la ákimdikterimen iske asyryla­tyn jobalardyń tizbesi qalyp­tastyrylady. Sondaı-aq óńirde bilim berý salasy mamandaryna «Dıplommen – aýylǵa» jobasy aıasynda 100 AEK mól­sherinde (306,3 myń teńge) bir­jolǵy járdemaqy jáne tur­ǵyn úı salý nemese satyp alý úshin jeńildetilgen kredıt túrinde áleýmettik qol­daý qa­rastyrylǵan. «Dıp­lom­men – aýylǵa» jobasy iske asyryl­ǵannan beri jalpy 11 595 mamanǵa 2,1 mlrd teńge kóle­min­de birjolǵy járdemaqy usynylǵan. Onyń 7 911-i – muǵa­limder. Sondaı-aq 11,6 mlrd teńge kóleminde bıýdjettik kredıt usynylyp, nátıjesinde 3 573 maman baspanaly boldy, onyń ishinde 2 265 bilim salasynyń ókiline qoldaý kórsetilgen. Aldaǵy ýaqytta óńir­ge qajetti muǵalimder sanyn anyq­tap, «Dıplommen – aýylǵa» jobasy aıasynda usynyla­tyn qoldaý sharalary mólsherin ulǵaıtý boıynsha usynys en­gizilmek.

 

Túrkistan oblysy

Sońǵy jańalyqtar

Uqsas jańalyqtar