Fýtbol • 18 Qańtar, 2022

«Bernlı» - «Ýotford» oıyny taǵy da keıinge shegerildi

40 ret kórsetildi

Aǵylshyn premer-lıgasyndaǵy keıinge qaldyrylǵan «Bernlı» men «Ýotford» arasyndaǵy kezdesýdiń ýaqyty belgisiz merzimge taǵy shegerildi, dep habarlaıdy Egemen.kz.

Bul joly «Bernlı» fýtbol klýbynyń jetekshileri APL basshylyǵyna ótinishpen qaıyrylǵan. Bas bapker Shon Daıchtyń sózine sensek, komandada dál qazir jasyl alańǵa shyǵýǵa qabiletti bar bolǵany 10 fýtbolshy bar eken. Al premer-lıganyń reglamentinde komanda oıynǵa kem degende 13 alańdaǵy fýtbolshyny jáne bir qaqpashyny usynýy kerek.

Esterińizge sala keteıik, bul oıyn jeltoqsan aıynda ótýge tıis bolǵan. Alaıda ol kezde «Ýotford» fýtbolshylarynyń basym kópshiligi koronavırýs indetimen aýyrýyna baılanysty oıyn keıinge qaldyrylǵan edi.

Sońǵy jańalyqtar

Uqsas jańalyqtar