«Vaksınalaý úshin elimizde barlyq qajetti jaǵdaılar jasalǵan. Vaksınalardyń shamamen 5 mln doza qory bar, onyń ishinde 2,8 mln doza vaksınalaýǵa jáne 2,2 mln doza revaksınalaýǵa arnalǵan. Sonymen qatar, halyqtyń neǵurlym osal tobyn qorǵaý úshin revaksınalaýǵa arnalǵan vaksınalardy tańdaý aıasy keńeıtildi. 60 jastan asqan adamdarǵa qosymsha Komırnatı (Phizer) vaksınasy usynylady», dedi E.Toǵjanov Ortalyq kommýnıkasııalar qyzmetinde.
Sonymen birge, el óńirleri de 23,8 mln astam vaksına dozasymen qamtamasyz etilgen.
«Búgin vaksınalaýdan ótseńiz – keleshekte juqqan aýrýdyń jeńil ótýin qamtamasyz etesiz. Revaksınalaýdyń tıimdiligi vaksınalaý áserinen de asyp túsetini burynnan dáleldengen.
Sonymen qatar, revaksınalaý aýrýdyń aýyr túrlerinen, aýrýhanaǵa jatqyzýdan jáne ólimnen 70%-ǵa deıin qorǵaıdy. Keshendi vaksınalaýdan ótken soń ǵana biz ólim jaǵdaılarynyń sanyn toqtatyp, aldyn alamyz», dep túsindirdi E.Toǵjanov.
