Qazaqstan • 19 Qańtar, 2022

Qazaqstan UQShU elderine kómek kórsetkeni úshin alǵys bildiredi

39 ret kórsetildi

Qazaqstan UQShU-daǵy odaqtastaryna ýaqytyly kómek kórsetkeni úshin alǵys bildiredi. Bul týraly QR Syrtqy ister mınıstrliginiń Eaýrazııalyq ıntegrasııa departamentiniń dırektory Aleksandr Sınıagovskıı málim etti, dep habarlaıdy Egemen.kz.

«Odaqtastarymyzǵa ýaqytyly kómek kórsetkeni úshin alǵys bildiremiz. Bitimgershilik mıssııa qazaqstandyq kúshter men quraldardyń edáýir bóligin terrorızmge qarsy operasııaǵa alańsyz baǵyttaýǵa múmkindik berdi.

10 qańtarda UQShU Ujymdyq Qaýipsizdik Keńesiniń kezekten tys sessııasy uıymdastyryldy. Ol sharadan ashyq kórsetilim júrgizilip, BAQ erkin habar taratty. UQShU-nyń barlyq memleket basshylary bitimgershilik mıssııanyń mańyzdylyǵyn atap ótti. Bas hatshynyń, hatshylyqtyń barlyq qyzmetkerleriniń, uıymnyń birikken shtabynyń eldegi bitimgershilik mıssııany tabysty uıymdastyryp, ótkizýge qosqan úlesin atap ótemiz», dedi eýrazııalyq ıntegrasııa departamentiniń dırektory.

Aıta keteıik, UQShU bitimgershilik áskeri Qazaqstan aýmaǵynan tolyq ketti. Bul týraly Qorǵanys mınıstrligi halyqaralyq yntymaqtastyq departamentiniń bastyǵy Oljas Qusaıynov málim etti.

«Búgin Ujymdyq qaýipsizdik týraly shart uıymy ujymdyq bitimger kúshterin Qazaqstan aýmaǵynan shyǵarý aıaqtaldy. Sońǵy jeke quram men tehnıka áýe kemesimen Almatydan ushyp shyqty. Qazirgi Qazaqstan Respýblıkasynyń aýmaǵynda shet memleketterdiń áskerı qyzmetshileri joq. Elimizden UQShU-nyń birikken bitimgershilik kontıngentin kezeń-kezeńimen shyǵarý bıyl 13 qańtardan bastap Qarýly kúshterdiń Joǵary bas qolbasshysy – Qazaqstan Respýblıkasynyń Prezıdenti Qasym-Jomart Kemeluly Toqaev belgilegen merzimde júzege asyryldy», dedi mınıstrlik ókili ortalyq kommýnıkasııalar qyzmetinde ótken brıfıngide.

Sońǵy jańalyqtar

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Jem-shóp daqyldarynyń alqaby uǵaıtyldy

Qazaqstan • Búgin, 12:30

Uqsas jańalyqtar