Qazaqstan • 20 Qańtar, 2022

Kádege jaratý alymynyń mólsherlemesi qaıta qaralady

166 ret kórsetildi

Qazaqstanda kádege jaratý alymynyń koeffısıentterin qaıta qaraý boıynsha vedomstvoaralyq jumys toby quryldy, dep habarlaıdy Egemen.kz QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.

Vedomstvoda О́KM ákimshiligi «Jasyl damý» AQ-ǵa berilgeni atap ótildi.

11 qańtarda QR Parlamenti Májilisiniń otyrysynda sóılegen sózinde Memleket basshysy Qasym-Jomart Toqaev «О́KM Operatory» JShS-niń kádege jaratý alymyn toqtatý jáne kádege jaratý alymyn ıelik etý boıynsha sharalar qabyldaýdy tapsyrdy.

Osy tapsyrmany oryndaý sheńberinde 2022 jylǵy 18 qańtarda Úkimet «Qazaqstan Respýblıkasynyń Ekologııa, geologııa jáne tabıǵı resýrstar mınıstrligine vedomstvolyq baǵynysty uıymdardyń keıbir máseleleri týraly» qaýly qabyldady. Osyǵan baılanysty óndirýshilerdiń (ımporttaýshylardyń) keńeıtilgen mindettemeleriniń operatory «Jasyl damý» aksıonerlik qoǵamy tulǵasyndaǵy memlekettik uıym bolyp aıqyndaldy.

«О́KM Operatory» JShS-niń kádege jaratý alymyn ákimshilendirý jáne tıisti quraldarǵa bılik etý bóligindegi qyzmeti toqtatyldy. Búgingi kúni tıisti ýákiletti organdar aktıvterdi memlekettik menshikke berý, ýákiletti organdardyń qorytyndylaryn usyný, «Jasyl damý» AQ balansyna berý, ádilet organdarynda aksıonerlik qoǵamdy qaıta tirkeý boıynsha sharalar qabyldaýda.

Aıta ketsek, aksıonerlik qoǵam Ekologııa mınıstrligine qarasty uıym bolyp tabylady. Prezıjenttiń tapsyrmasyna sáıkes kádege jaratý alymynyń koeffısıentterin qaıta qaraý boıynsha vedomstvoaralyq jumys toby quryldy. Bul mólsherlemeler osy jyldyń aqpan aıynyń sońyna deıin qaralyp, bekitiletin bolady. Top jumysynyń nátıjeleri týraly aqparat Ekologııa mınıstrliginiń ınternet-resýrsynda ornalastyrylatyn bolady. Kórsetilgen ýaqytqa deıin kádege jaratý alymy «Jasyl Damý» AQ operatoryna qoldanystaǵy mólsherlemeler boıynsha tólenedi.

Sońǵy jańalyqtar

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar