Qoǵam • 20 Qańtar, 2022

Sarapshylar NEET sanatyndaǵy jastardyń máselelerin talqylady

75 ret kórsetildi

«NEET jastary: áleýmettený máseleleri jáne olardy sheshý joldary» taqyrybymen «Jastar: ózekti másele» saraptamalyq platformasynyń otyrysy ótti, dep habarlaıdy Egemen.kz.

Talqylaýǵa QR Parlamenti Májilisiniń depýtaty, ortalyq jáne jergilikti atqarýshy organdardyń ókilderi, respýblıkalyq jastar uıymdarynyń basshylary, sarapshylar men ǵylymı qoǵamdastyqtyń, sondaı-aq ÚEU ókilderi qatysty. 

Aqparat jáne qoǵamdyq damý vıse-mınıstri Aleksandr Danılov elimizdiń jas azamattarynyń ál-aýqatyn jaqsartý jónindegi baǵyt jalǵasa beretinin, sondaı-aq NEET sanatyndaǵy jastardy áleýmettendirý jónindegi múddeli organdar arasyndaǵy úılestirilgen saıasat ımplementasııalanatynyn atap ótti. 

Pikirsaıys barysynda QR Parlamenti Májilisiniń depýtaty Vera Kım jastardyń qazirgi máseleleri men qajettilikterine nazar aýdardy. Depýtat jas azamattardyń problemalary qańtarda oryn alǵan áleýmettik-ekonomıkalyq oqıǵalar men jalǵasyp jatqan pandemııa jaǵdaıynda shıelenisip jatqanyn aıtty. 

Al «Jastar» ǴZO-nyń Áleýmettaný zertteýleri jáne boljaý basqarmasynyń basshysy Evgenııa Rýdneva áleýmettaný zertteýleriniń aktýal nátıjelerin usynyp, jastardy áleýmettendirý máselelerine egjeı-tegjeıli toqtalyp ótti. 

BUU Balalar qorynyń (IýNISEF) Jasóspirimder men jastardy damytý baǵdarlamalarynyń úılestirýshisi Aıgúl Sháripova qazirgi ýaqyttyń dıdjıtalızasııa men sıfrlandyrýdyń joǵary deńgeıine baılanysty ózindik erekshelikter bar ekendigine nazar aýdardy. Onyń aıtýynsha jastardyń máseleleri men qajettilikterine qatysty jańa ınnovasııalyq tásilder qajet.  

Saraptamalyq alańda «Alternatıva» ózekti zertteýler ortalyǵynyń dırektory Chebotarev Andreı jáne Jastar qyzmetkerleri qoǵamdastyǵy keńesiniń tóraǵasy Naýryzbaev Nurlybaı da óz pikirlerin bildirdi. 

«Jastar: ózekti másele» saraptama alańy otyrysynyń qorytyndysy boıynsha memlekettik jastar saıasaty salasyn jetildirýge baǵyttalǵan usynymdar tizimi qalyptastyryldy.  

Sarapshylardyń barlyq usynysy jastar saıasaty salasyndaǵy qujattardy ázirleýde qaralatyn jáne eskeriletin bolady.

Is-shara QR AQDM Jastar jáne otbasy isteri komıtetniń qoldaýymen barlyq sanıtarııa-epıdemıologııa normalaryn saqtaı otyryp, onlaın formatta «Jastar» ulttyq-zertteýlik ortalyǵy uıymdastyrdy.

 

 

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar