Ekonomıka • 20 Qańtar, 2022

Túrik kompanııalary Qazaqstanǵa ınvestısııa quıýdy toqtatpaıdy

367 ret kórsetildi

Túrkııanyń iri kompanııalary Qazaqstanda bıznesin odan ári órkendete bermek. Olar elimizde bolǵan barlyq qıyndyqtarǵa qaramastan, ınvestısııa quıýdy jalǵastyra beretinin aıtyp, pikirlerin bildirdi, dep habarlaıdy Egemen.kz.

Ryfat Hısarjyklyoǵlý, Túrkııa palatalar men bırjalar qaýymdastyǵy jáne túrik saýda ónerkásip palatasynyń tóraǵasy:

«600-den astam qazaqstandyq kapıtaly bar kompanııa Túrkııada 1 mlrd dollardan astam ınvestısııa salǵan. 3600-ge jýyq túrik kompanııasynyń Qazaqstandaǵy jalpy ınvestısııa kólemi 5 mıllıard dollardan asty. Bizdiń merdigerlerimiz 30 mıllıard dollarǵa jýyq 500-den astam jobany sátti aıaqtady. Qazaqstannyń beıbitshiligi, turaqtylyǵy men tynyshtyǵy – bizdiń basymdyǵymyz. Túrkııanyń jeke sektory árqashan Qazaqstannyń janynan tabylady».

Sanı Shener, Tav Airports holding atqarý keńesiniń tóraǵasy:

«Almaty áýejaıyna qatty áser etti. Termınal ǵımaraty materıaldyq turǵydan zardap shekti. Qazaqstan bıliginiń qoldaýymen, birlese otyryp, biz qıraǵan jerlerdi tez arada jóndep, áýe tasymalyn qalpyna keltirdik, reısterdi qaıta bastadyq.

Zamanaýı Jibek jolynyń mańyzdy turaqtarynyń biri – Almatynyń áleýetin iske durys paıdalaný úshin biz jumysymyzdy jalǵastyramyz.

Biz shamamen 200 mıllıon dollar ınvestısııamen áýejaıǵa jańa termınal salamyz. Qazaqstannyń jáne Almatynyń bolashaǵyna senemiz, jobalarymyz josparlanǵandaı jalǵasady».

Serdar Górgúch, «Otokar avtomatıv jáne qorǵanys ónerkásiptik» AQ Bas menedjeri:

«Bılik pen halyqtyń parasattylyqpen áreket etip, ómirdiń qalpyna kele bastaǵany bizdi qýantady. Bizdiń kompanııa óz qyzmetin úzilissiz jalǵastyrýda. Jobalarymyz toqtamaıdy».

Fatıh Fýrtýn, «Mfa maska» dırektorlar keńesiniń tóraǵasy:

«Sońǵy oqıǵalar kezinde eshqandaı materıaldyq shyǵyn kórgen joqpyz. Qazirgi ýaqytta elordada ornalasqan erkin ekonomıkalyq aımaqta maska zaýyty jáne eýrazııalyq logıstıkalyq bazasy qurylysymyz tolyq qarqynmen jalǵasýda. Munda biz Reseıdiń jáne túrik respýblıkalarynyń, ásirese Qazaqstannyń ártúrli salalardaǵy tynys alý organdaryn qorǵaý quraldaryna qajettiligin qamtamasyz etýdi josparlap otyrmyz. Qazaqstanda ınvestorlar úshin kóptegen múmkindikter bar dep esepteımiz».

Zııa Chamoǵlý, «Aselsan engineering Qazaqstan» (KAE) fırmasynyń bas menedjeri:

«Qazaqstan jáne Túrkııanyń seriktestigimen qurylǵan jáne memlekettik kompanııa bolyp tabylatyn KAE zaýytyndaǵy qorǵanys ónerkásibi ónimderin júıeli óndiredi. Biz bul saladaǵy jańa jobalarǵa daıynbyz jáne jumysymyzdy jalǵastyramyz».

Levent Úrkmez, BTM AQ Basqarma tóraǵasy:

«Qazaqstandaǵy zaýytymyzda mashınalarymyzdy jaqsartýǵa ınvestısııalarymyz bar edi. Biz bul ınvestısııalardy toqtatqan joqpyz, jalǵastyrýdamyz. Men túrik bıznes áleminiń Qazaqstanǵa sengenin qalaımyn. Biz 2007 jyldan beri jumys istep kele jatqan elge sheksiz senim artamyz».

Neıir Zeınep Atabaı, «Atabaı farmasevtıkalyq ónerkásiptik» AQ dırektorlar keńesi tóraǵasynyń orynbasary:

«Atabaı Ilach» fırmasynyń 30 túrli ónimdi Qazaqstan Densaýlyq saqtaý mınıstrliginde lısenzııalaý, «Atabaı» kompanııasyn qurý, dári-dármek satý jáne Almaty ónerkásip aımaǵynda dári-dármek shyǵaratyn zaýyt qurý jobalarymyz jalǵasýda. Oqıǵa túrik ınvestorlarynyń betin qaıtarmaýy kerek».

Selchýk Tanryverdı, «NOBEL ILAC QAZAQSTAN» fırmasynyń bas menedjeri:

«Qazaq dostarymyz bizdi bir sátke de jalǵyz qaldyrǵan joq. Biz munda 20 jyldan beri dári-dármek shyǵaramyz jáne az ýaqytta jańa ınvestısııalyq josparlarymyzdy bastaımyz. Biz eldegi GMP kompanııasynyń birinshi zaýytyn qurý, eksportta kóshbasshy bolý jáne salyq chempıony bolý sııaqty maqtanarlyq jetistikterge qol jetkizdik. Qazaqstan – biz úshin ekinshi Otan»

Halýk Kaıabashy, «KIBAR HOLDING» bas dırektory:

«Túrik isker álemi retinde biz óz mindetterimizdi oryndap, osy erekshe jaǵdaıda Qazaq eline jáne qazaqstandyq iskerler álemine  qoldaýshy bolyp, josparlanǵan ınvestısııalardy toqtaýsyz jalǵastyrýymyz kerek. Biz týysqan elimizdiń janynda bolýymyz kerek».

Iаvýz Iýrtgúder, «HAMLE KOMPANIIаSY – ÜLKER» fırmasynyń Ortalyq Azııa jáne Reseıdegi jaýapty bas menedjeri:

«Bizdiń óndiris ornymyzǵa ınvestısııa salý jalǵasýda. Bizdiń qazaqstandyq fabrıkamyz Ortalyq Azııa jáne Reseı naryqtary úshin óndiristik baza retinde, sondaı-aq Qazaqstannyń ishki suranysyn qanaǵattandyrý qyzmetin jalǵastyrýda. Qazaqstan Ortalyq Azııadaǵy ınvestısııa úshin eń mańyzdy jáne qaýipsiz el».

Iýsýf Zııa Aqbulut, «ÇELKONSAN MAShINA, О́NDIRIS JÁNE SAÝDA AQ»   dırektorlar keńesiniń múshesi:

«Uıymdasqan ındýstrııalyq aımaqtaǵy jańa zaýyttyq ınvestısııamyz jalǵasýda. Sonymen qatar, tosqaýyl óndirisi, bolat konstrýksııa óndirisi toqtamaıdy. Osy aptada biz jańa kelisimshartqa qol qoıamyz.

Úkimet daǵdarysty óte sátti sheshti. Túrik kásipkerlerine Qazaqstanǵa esh alańdamaı ınvestısııa salýǵa keńes beremiz».

Iýsýf Aıdemır, «İSKEFE HOLDİNG» AQ atqarýshy keńes tóraǵasy:

«Osy kezeńde jelatın óndirisin qurý boıynsha jumysymyz jalǵasýda. Biz Qazaqstannyń Ankaradaǵy elshisi jáne onyń komandasynan kóp qoldaý kórdik. Jumysymyzdy qarqynyn báseńdetpeı jalǵastyramyz. Azııanyń ortalyǵynda ornalasqan Qazaqstan – ósýdi jáne jahandanýdy maqsat etken túrik kompanııalary úshin múmkindikterge toly el».

Janan Toraman, «Qazaqstan Aýyl sharýashylyǵy halyqaralyq bankiniń» bas menedjeri:

«Qazaqstannyń halyqaralyq naryqtarmen ıntegrasııalaný deńgeıi, onyń sheteldik ınvestorlardy qamtamasyz etetin erejeleri jáne negizgi makroekonomıkalyq kórsetkishterdegi senimdiligi artyp keledi. Bul turǵyda Qazaqstan túrik ınvestorlary úshin mańyzdy naryq ortasy jáne biz aldaǵy kezeńde túrik ınvestısııalarynyń artýyn kútemiz».

Húsamettın Memısh, «BAŞHAN aýyl sharýashylyq ónimderi AQ» dırektorlar keńesiniń tóraǵasy:

«Qazaqstanda qaýipsizdik tez qalpyna kelip, beıbitshilik ornady. Bizdiń jumys barysy men ondaǵy keńse sol kúıinde jumysyn jalǵastyrýda. Túrik iskerleri retinde biz baýyrlas el Qazaqstanmen yntymaqtastyqty jaqsartýymyz kerek».

Nezıh Barýt, «ABDİ İBRAHİM» dári óndirisi AQ dırektorlar keńesiniń tóraǵasy:

«Sheteldegi operasııalarymyzda óndiriske kóshken alǵashqy el bolyp tabylatyn Qazaqstan Ábdı Ibrahım úshin óte mańyzdy. Biz ekinshi otanymyz dep esepteıtin Qazaqstanda halyqaralyq saýdamyzdy keńeıtý boıynsha mańyzdy strategııalyq maqsatqa qol jetkizdik. Biz Qazaqstanǵa 30 mıllıon dollar ınvestısııamyzdy salýdy báseńdetpeı jalǵastyramyz. Bul ınvestısııa arqyly biz 3 jyldyń ishinde eldegi jumyspen qamtýdy eki esege arttyrýdy maqsat etip otyrmyz. Biz Qazaqstandy aımaqta ósýdi josparlap otyrǵan kompanııalar turǵysynan ınvestısııa salýǵa tıis el retinde kóremiz».

13456

Erdınch Gúzel, «Koka-kola sýsyny (CCI)» Qazaqstandaǵy bas menedjeri:

«Biz Qazaqstandaǵy 2 zaýytymyzben, 750 qyzmetkerimizben jáne 8000 adamnan turatyn jumys tobymen 18 mıllıon tutynýshyǵa keń ónim portfelin usynamyz. Qazaqstan – bizdiń CCI-degi eń iri jáne tabysty operasııalarymyzdyń biri. Budan bylaı da sol qalpynda qyzmetimizdi jalǵastyratyn bolamyz. Bul elde ekonomıkalyq jáne saıası turaqtylyq úshin barlyq qajetti jańdaı bar ekenin bilemiz jáne biz jarqyn bolashaqqa senemiz».

Ahmet Chalık, «Chalyk holdıngi» dırektorlar keńesiniń tóraǵasy:

«Turaqtylyq pen tatýlyqtyń ornaýy barsha halqymyz sııaqty meni de qýantty. Men Qazaqstannyń basynan ótkerip jatqan osynaý qıyn úderisten nyǵaıyp shyǵatynyna shyn júrekten senemin. Biz Qazaqstanmen barlyq kommersııalyq qarym-qatynastarymyzdy odan ári damytamyz».

Gónench Dırık,«Orhýn medıkal» dırektorlar keńesiniń tóraǵasy:

«Qazaqstan damyǵan saıyn, barsha jurtty tamsandyratyn Eýrazııanyń juldyzy bolyp qala bermek. Qazirgi tańda 2 medısınalyq ortalyqqa ınvestısııa salýymyz jalǵasýda. Sonymen qatar, bıyl 2 qalada medısınalyq ortalyqtar ashýdy maqsat etip otyrmyz. Meniń oıymsha, Qazaqstan birte-birte barlyq ınvestorlar úshin tartymdylyǵyn arttyrady».

Serdar Bashak, «LC WAIKIKI» fırmasynyń Qazaqstan, Qyrǵyzstan, Tájikstan, О́zbekstandaǵy jaýapty menedjeri:

«Qazaqstanda 2000-nan astam qyzmetkerimiz jáne 48 dúkenimiz bar jáne 11 jyldan beri jumys istep kele jatqan elimiz. Orta Azııadaǵy basqa elderdi de osy ortalyqtan basqaramyz. Sońǵy oqıǵalar bizdiń kózqarasymyzǵa áser etken joq. Bul bizdiń flagmanymyz jáne 180 mıllıon dollar aınalymy bar el. Aldaǵy 2 jylda bizdiń 10 jańa dúken jáne logıstıkalyq qoıma ashý ınvestısııalyq jobamyz bar».

Robert Iýksel Iyldyrym, «YILDIRIM kompanııalar toby» atqarý keńesiniń tóraǵasy:

«Bizdiń kenishterdegi jumysymyz burynǵy qarqynmen jalǵasýda. Biz óz jobalarymyzda eshqashan báseńdegen emespiz jáne ondaı bolmaıdy.   «Voshod Chrome» eldegi eń iri hrom kenishine aınaldy jáne biz óz ınvestısııalarymyzben bul kenishtiń ónimdiligin arttyrdyq. Qazaqstanǵa ınvestısııamyz 2021 jyldyń qyrkúıeginde negizin qalaǵan 400 mıllıon dollarlyq Qazaq Soda jobamyzben jalǵasýda. Ol TMD aımaǵyndaǵy eń iri beıorganıkalyq hımııa kesheni bolady».

Kaan Kemal Ekerman, «RÖNESANS INTERNATIONAL» bas dırektory:

«RÖNESANS-tyń elge salǵan ınvestısııasyna oqıǵalar áser etken joq, biraq biz qatty qaıǵyrdyq. Biz Qazaqstanda aýrýhana jobasyn jasap jatyrmyz jáne jalǵastyramyz. Biz Túrkııanyń isker álemin baýyrlas Qazaqstandy qoldap, bıznes kólemin arttyrý maqsatynda ózara yntymaqtastyqty damytýǵa shaqyramyz».

Rejep Kaan Mashlak, «PANELSAN» shatyr, dýal júıeleri óndiris jáne saýda AQ bas menedjeri:

«Áriptesimizdiń jaǵymdy jańalyǵymen biz ınvestısııalaý prosesin toqtaǵan jerimizden jalǵastyramyz. Almatynyń uıymdasqan ındýstrııalyq aımaǵyndaǵy shamamen 20 mıllıon eýrony quraıtyn sendvıch-panelder óndirisiniń ınvestısııasy basym ınvestısııalyq sanatqa endi. Túrik isker álemi Qazaqstanǵa ınvestısııa salýdy jalǵastyratynyna senimdimin. «Panelsan» aldaǵy jyldary qazirgi ınvestısııasyna jańalaryn qosady.

 Iýsýf Úge, «FEMAS» metall óndirisi jáne saýda AQ dırektorlar keńesiniń múshesi:

«Bizdiń qazaqstandyq jobalar turaqtylyqtyń ornaýymen jalǵasady. Bir qadam artqa sheginbeımiz. Men túrik bıznes álemin keshe bolǵandaı búgin de Qazaq memleketine senýge shaqyramyn. Bizdiń isker adamdar aıaqtalmaǵan ınvestısııa jobalaryn múmkindiginshe tezirek aıaqtaýy kerek».

Kazym Chımen, «GLOBAL FLO MAGAZACILIK OPERASIIаLAR» bas menedjeriniń orynbasary:

«Qazaqstannyń 15 qalasynda 29 dúkenimiz bar. Jetekshi aıaq kıim satýshylardyń birimiz. Qazaqstan – biz únemi ınvestısııa salatyn naryq. Biz Qazaqstandaǵy tutynýshylarymyzben tyǵyz baılanysymyz bar jáne biz bul baılanysqa úlken mán beremiz. Bizde Qazaqstanda jańa dúkender men ınternet-dúkenderdi ashý boıynsha ınvestısııalyq josparlarymyz bar jáne olar esh kedergisiz jalǵasady».

 Jem Jırıtchı, Túrik-Qazaq iskerler qaýymdastyǵy dırektorlar keńesiniń tóraǵasy:

«О́z týǵan jerimizdeı kóretin Qazaqstan tezirek qalpyna kelip, nyǵaıyp, beıbit ómir súre bersin dep tileımin. Túrik ınvestorlary Qazaqstannyń kóptegen sektorlarynda jumys isteıdi. Olardyń ishinde taý-ken ónerkásibi, densaýlyq saqtaý, áýejaı menedjmenti, aýyl sharýashylyǵy, turǵyn úı, ınfraqurylym jáne sýsyndar sektorlaryn kórsete alamyz. Sonymen qatar, qurylys materıaldaryn óndirý jáne merdigerlik sektorlarynda túrik kásiporyndary bar. Biz árqashan jaqsylyqta da, jamandyqta da Qazaqstannyń janynda bolýymyz kerek».

 Ahmet Býdan, Mersın qalasyndaǵy Qazaqstan Respýblıkasynyń Qurmetti Konsýly:

«Qazaqstan oqıǵalardan keıin qalypqa keltirý úderisin óte jyldam, sátti jáne senimdi qadamdarmen aıaqtady. Qazaqstan óte kúshti jáne bolashaqqa umtylǵan memleket. Elde ýaqytsha toqtap qalǵan barlyq sektorlar qarqyndy túrde ashyla bastady. El ıgiligine, strategııasyna, ekonomıkasyna paıdasyn tıgizetin jobalar áli de kóbeıe beredi dep oılaımyz. Túrik jáne  eýropalyq kásipkerler ınvestısııasyn jalǵastyrǵysy keletinderin aıtýda. Qazaqstannyń kóptegen sektorlary 2022 jyldy 2021 jylǵa qaraǵanda áldeqaıda tabysty ótkizedi».

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar