– Beıbit ýaqytta bizdiń jaýyngerlerimizdiń ólimi barlyǵymyz úshin úlken qaıǵy boldy. Biz Otan qorǵaýshylarynyń, ómiriniń sońyna deıin Zańǵa jáne Qazaqstan halqyna qyzmet etkenderdiń barlyǵynyń esimderin árdaıym este saqtaıtyn bolamyz. Biz úshin Aıbat pen Madııar máńgi erlik pen abyroıdyń úlgisi bolyp qala beredi. Olardyń esimderi Qazaqstan Respýblıkasy Ulttyq ulanynyń erlik shejiresine óshpesteı jazylady, – dedi rásim barysynda óńir basshysy.
Sonymen birge oblys ákimi Jeńis Qasymbek, Ulttyq ulan Bas qolbasshysynyń tárbıe jáne áleýmettik-quqyqtyq jumystar jónindegi orynbasary general-maıor Álibek Serálıev jáne Ulttyq ulannyń «Ortalyq» óńirlik qolbasshylyǵynyń qolbasshysy polkovnık Sákentaı Shekarbekov laıyqty urpaq tárbıelegeni úshin qaza tapqan sarbazdardyń ata-analaryna alǵys sezimin jetkizdi.
Nagradadan bólek Ulttyq ulannyń «Ortalyq» óńirlik qolbasshylyǵynyń áskerı qyzmetshileri atynan qaza tapqan sarbazdyń týystaryna 7 mln teńgeden tabys etildi.
Eske sala keter bolsaq, qaza tapqan sarbazdardyń biri Aıbat Amanov Jańaarqa aýdanyndaǵy Atasý kentinde dúnıege kelgen. On segiz jastaǵy ulan Taldyqorǵan qalasyndaǵy №5514 áskerı bólimde qyzmet etti. Al Qaraǵandy qalasynyń týmasy Madııar Qaısarov Qyzylorda qalasynda «Ońtústik» óńirlik qolbasshylyǵyna qarasty №5547 áskerı bólimde áskerı boryshyn ótep júrgen bolatyn.
Qaraǵandy oblysy
