Koronavırýs • 20 Qańtar, 2022

Koronavırýs: Oqshaýlaný merzimi qysqarady

79 ret kórsetildi

Jurttyń júzin jabyrqatyp, eldiń eńsesin túsirgen indet álemdi ábigerge salyp tur. Aıǵaqty aıdaladan emes, aınaladan-aq kórýge bolady. Sebebi kún saıyn kúrk-kúrk jótelgen jan­dardyń sany kúrt ósýde. Sanı­tarlyq talaptarǵa salaq­tyq tanytqandar san soǵyp, kópshilik oryndarǵa jınal­mańdar degendi tyńdama­ǵandardyń kópshiligi denesine dert juqtyryp aldy. Basy aýyryp, baltyry syzdasa da, ystyǵy kóterilip, kó­ki­regin kók jótel qyssa da, álemdi sharpyǵan indetke áli de bolsa kúmánmen qaraı­tyndar jeterlik.

Sýretti túsirgen Erlan OMAR, «EQ»

Koronavırýstyń «Omıkron» shtamymen aýyrý kóp jaǵdaıda jeńil jáne sımptomsyz túrde ótedi. Taralýy basqa shtamdarǵa qaraǵanda birneshe ese joǵary. Koronavırýstyń juǵýy 14 kúnniń ishinde bilinse, «Omıkron» nebári eki kúnniń ishinde adam aǵzasynda syr beredi. Demek tez juǵady degen sóz. Aýrýdyń alǵashqy belgileri tumaý men jedel respıratorlyq aýrýlardaǵy sııaqty sýyq tıgendeı kórinedi. Iаǵnı dene qyzýy kóterilip, álsizdik, bas aýrýy, jótel bolady. Biraq jeńil ótedi eken dep óz betinshe emdelýge bolmaıdy. Aýrý belgileri baıqalǵan sátten bastap dárigerge kórinip, bilikti mamannyń aqyl-keńesine qulaq asqan jón.

Densaýlyq saqtaý mınıs­tri Ajar Ǵınııat dúnıe júzin dúrbeleńge salǵan korono­vı­rýstyń «Omıkron» túri elimiz­diń epıdemııalyq jaǵdaıyn ýshyq­tyrǵanyn atap ótti.

«Elimizde COVID-19-ben táý­liktik syrqat­tanýshylyqtyń 60%-dan astamy úsh aımaqta tirkelip otyr. Nur-Sultan qalasynda aýrý 32 ese ósip, bul rette testileý deńgeıi el boıynsha eń joǵary jáne táýligine 10 myńnan asa testi qurap otyr. Bi­raq halyqty vaksınalaý qarqyny 1,5 ese jáne revaksınalaý qarqyny 4 ese tómen. Almaty qala­synda SARS-CoV2 aýrýy 8 ese ósti, testileý deń­geıi qalpyna keltirilip, osy jylǵy qańtardan bas­tap 3,5 esege artty. Vak­­sı­nalaý qarqyny 1,6 ese jáne revaksınalaý qar­qyny 3 ese tómendep otyr. Qaraǵandy oblysynda syrqattanýshylyq 9 ese ósti, al vaksınalaý qarqy­ny 3 ese jáne revaksınalaý qar­qyny 3,5 ese tómendedi. Búgin­de elimizde barlyǵy 21 myń ınfeksııalyq tó­sektik oryn ashyldy, onyń 33%-y aýrýlarmen qam­tylǵan, reanımasııalyq oryn 2 myńnan as­tam, onyń 16%-y qam­tyl­ǵan. Rezervte 30 myń ın­fek­­sııalyq jáne 3 myń rea­nı­ma­sııalyq oryn bar», dedi A.Ǵınııat.

Onyń aıtýynsha, res­pýb­lıka boıynsha revaksı­nalaýǵa jatatyn halyqty qamtý 26,8%-dy qurap otyr. 800 myńnan asa adam egil­di. Úsh óńirde – Aty­raý, Túrkistan oblystarynda jáne Nur-Sultan qala­synda qamtylý deńgeıi eń tómen: 13%-dan 17,0%-ǵa deıin. Barlyq óńirde vaksınalaý men revaksınalaý qarqynyn arttyrý qajet. Bul – aýrýhanaǵa túsýdiń, koronavırýs ınfeksııasynan bolatyn aýyr aýrý aǵymy men ólimniń aldyn alýdyń jalǵyz tásili.

Nur-Sultandaǵy №15 qa­­lalyq emhananyń dári­geri Gıýzel Eginbaı revaksınalaý alǵashqy ja­sal­ǵan ekpeden keıingi ım­mýnıtetti kú­sheıtetinin aıtty.

«Revaksınalaý – vaksınany nemese onyń kom­ponentteriniń birin qaı­ta engizý. Bul shara al­dyńǵy vaksınalardan keıin­gi ımmýnıtetti qol­daý­ǵa baǵyt­talǵan. Jal­py, revaksınalaý ım­mýnıtettiń vırýspen kú­re­sýi úshin jasalady. Ýa­qyt óte kele aǵzanyń koronavırýs ınfeksııasynan qorǵalý dárejesi tómendeıdi, osyǵan baılanysty vaksınany qaıta alý qajet. Qazaqstanda revaksınalaý shartty túrde eki kezeń bo­ıynsha ótetini belgili. Birinshi kezekte qaýip tobyndaǵy adamdar egiledi. Aldymen medısına qyzmetkerleri, pedagogter, kúsh qurylym­dary men jabyq balalar mekemeleriniń qyzmet­kerleri revaksınalaýdan ótedi. Sondaı-aq revaksınalaý negizinen sozylmaly ınfeksııamen aýyr­ǵan nemese ótkir ınfeksııa juqtyrǵan adamdar úshin qajet. Mundaı adamdarda ımmýnıtettiń álsireýi jıi kez­desedi já­ne koronavırýsqa qar­sy ımmýndyq kúshti saqtaý úshin pasıentterge revak­sı­na­laý qajet. Aıta ketý kerek, revak­­­sınalaý ınfeksııany qaıta juq­ty­­rý qaýpin kúrt tómendetedi. Revak­sınalaý tártibi ek­peni alǵash alǵan kezde­gideı júrgiziledi», dedi G.Eginbaı.

Densaýlyq saqtaý mı­nıstr­liginiń keshegi kúngi málimeti boıynsha 110 731 adam koronavırýs ın­fek­­sııasynan emdelýde, olar­dyń ishinde 8 344 pasıent stasıonarda, 102 387 naýqas ambýlatorlyq deń­geıde em qabyldaýda. KVI-ge shaldyqqandardyń arasynda 299 adamnyń jaǵdaıy aýyr, 88 pasıent­tiń jaǵdaıy óte aýyr, 49 naý­qas О́JT apparatynda jatyr.

Aıta ketetin jaıt, eli­­mizde koronavırýs juq­tyrǵandardyń oqshaý­laný merzimi qysqarady. Bas sanıtar dárigerdiń tıisti qaýlysy ázirlenip jatyr. Endi kovıdpen aýyrǵandar tek 10 kúnge karantınge jabylady. PTR-testiń qorytyndysy boıynsha Ashyq-taǵy mártebe bir aptada aýysady. Jańa qaýly qabyldanǵanǵa deıin karantın tártibi 14 kún bolady.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar