Qazaqstan • 22 Qańtar, 2022

IIM: Jappaı tártipsizdik kezinde ustalǵandardyń quqyǵy taptalmaıdy

143 ret kórsetildi

IIM Qylmystyq-atqarý júıesi komıteti tóraǵasynyń orynbasary Meıram Aıýbaev OKQ-de ótken baspasóz máslıhatynda jappaı tártipsizdik kezinde ustalǵan azamattardyń quqyǵy zań aıasynda qorǵalatynyn málimdedi, dep habarlaıdy Egemen.kz.

«Bir apta ishinde adam quqyqtary jónindegi ýákil elimizdiń 12 óńirinde tergeýge alynyp, qamalǵandardy ustaý jaǵdaıyn tekserdi. Atap aıtqanda 12 tergeý ızolıatory, 67 ÝUI jáne APB arnaıy úı-jaıyna bardy. Odan basqa, prokýratýra zańdylyqtyń qamtamasyz etilýin úzdiksiz qadaǵalap otyr. Taǵy bir eske salǵym keletini - tergeý mekemesine jetkizilgen barlyq adam mindetti túrde medısınalyq tekserýden ótedi. Qajet bolǵan jaǵdaıda olarǵa tıisti em-dom taǵaıyndalady»,  dedi  Meıram Aıýbaev.

Sondaı-aq, stasıonarlyq emdeý qajet bolǵan jaǵdaıda pasıent aýrýhanaǵa jiberiletinin aıtty.

«Qurmetti qazaqstandyqtar, komıtette jáne barlyq óńirlik departamentterde call-ortalyq jumys isteıdi. Ortalyqqa habarlasý arqyly siz qamaýǵa alynǵan adamdar týraly jáne ózge aqparatty ala alasyz. Advokattardyń osy ortalyq arqyly málimet alý múmkindigi bar. Azamattardyń konstıtýsııalyq quqyǵyn qorǵaýǵa qatysty barlyq tıisti sharalar qabyldanyp jatyr», dedi ol.

Sońǵy jańalyqtar

Uqsas jańalyqtar