20 qańtar kúni saǵat 22:18 shamasynda Atyraý qalasy Polısııa basqarmasynyń «102» arnasyna 36 jastaǵy Shymkent qalasynyń turǵyny qońyraý shalyp, Atyraý qalasynda ornalasqan kópqabatty úılerdiń birindegi ýaqytsha turyp jatqan mekenjaıyna saǵat 21:40 shamasynda belgisiz eki er adamnyń zańsyz kirip, ashana pyshaǵymen jáne qarýǵa uqsas zatpen qorqytyp, uryp-soǵyp, uıaly telefondaryn, smart qol saǵatyn, eki altyn syrǵasyn, 40 myń teńge aqshasyn tartyp alǵanyn habarlaǵan.
Sondaı-aq zardap shegýshi 1,5 mln teńge kólemindegi aqshasyn telefondaǵy Kaspi qosymshasy arqyly basqa esepshotqa aýdartyp alǵandyǵyn aıtty. Oqıǵa ornyna dereý jetken krımınaldyq polısııa bóliminiń jedel ýákilderi men Batys-18 qyzmetkerlerimen jedel-izdestirý sharalaryn júrgizý kezinde 26 jáne 24 jastaǵy eki kúdikti ustaldy. Olardan joǵaryda atalǵan zattar men qomaqty qarjy tárkilendi.
Atalǵan derek boıynsha QR QK-niń 192-babynyń 3-bóligimen (Qaraqshylyq) qylmystyq is tirkelip, eki kúdikti ýaqytsha ustaý ızolıatoryna qamaýǵa alyndy.
Qazirgi ýaqytta tergep-tekserý jumystary júrgizilýde.
