Medısına • 24 Qańtar, 2022

Antıbıotıkti orynsyz qoldaný qaýipti

44 ret kórsetildi

2019 jyly búkil álemde antıbıotıkke tózimdi bakterııalar týdyrǵan ınfeksııalardan 1,2 mıllıonnan astam adam qaıtys boldy. Antıbıotıkke tózimdilik ony orynsyz kóp qoldanǵannan paıda bolady.

Bul bezgek nemese JITS-ten bolǵan ólim-jitimniń bir jyldyq sanynan da kóp. Bul turmysy tómen elderde jıirek kezdeskenimen, mıkrobqa qarsy turaqtylyq ár adamnyń densaýlyǵyna qaýip tóndiredi.

Al densaýlyq salasyndaǵy bul máselemen kúresý úshin jańa dári-dármekter shyǵarý isine qarajat salyp, bar dárilerdi ornymen paıdalaný usynylyp otyr. Sebebi sońǵy jyldary ınfeksııa kezinde adamdar antıbıotıkterdi shamadan tys qoldaný arqyly olardyń aýyr ınfeksııalarǵa qarsy tıimdiligin azaıtyp jibergen.

Osylaısha, naýqastar jıi kezdesetin, emdeýge bolatyn ınfeksııalardan ólip ketip jatyr, óıtkeni olardy týdyratyn bakterııalar adamzatqa belgili em-domǵa úırenisip, ábden tózimdi bolyp alǵan.

Jaqynda Ulybrıtanııanyń densaýlyq saqtaý salasynyń qyzmetkerleri eger antıbıotıkter ornymen berilmese, mıkrobqa qarsy turý (AMR) COVID-19 indetiniń tasasynda «jasyryn jatqan pandemııa» dep eskertken.

Lancet jýrnalynda jarııalanǵan zertteý Va­shıng­ton ýnıversıteti (AQSh) bastaǵan ha­lyq­ara­lyq zertteýshiler toby júrgizgen 204 eldiń taldaýyna negizdelgen. Olardyń aıtýynsha, antıbıotıkti orynsyz saldyra bergen adamdardyń aǵzasy qarapaıym ınfeksııanyń emine boı bermeı, qaıtys bolǵan. 2019 jylǵy esep boıynsha túrli indetten qaıtys bolǵan bes mıllıonǵa jýyq adamnyń ólimine osy jaǵdaı áser etken bolýy múmkin. Al tikeleı osy sebeptiń saldarynan 1,2 mıllıon adam ómirimen qosh aıtysqan.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar