Qoǵam • 24 Qańtar, 2022

Prezıdenttiń synynan keıin «Samuryq-Qazyna» basshysy málimdeme jasady

1550 ret kórsetildi

«Samuryq-Qazyna» ulttyq ál-aýqat qory» AQ óz jumysyn túbegeıli ózgertýdiń josparyn ázirlep jatyr. Bul týraly Qor basshysy Almasadam Sátqalıev Facebook paraqshasynda málim etti, dep habarlaıdy Egemen.kz.

Sátqalıevtiń paıymynsha, «memleket basshylyǵynyń saıası erik-jigeriniń arqasynda qor jumysyn túbegeıli ózgerte alatyn múmkindikke ıe bolyp otyr».

«Biz konstrýktıvti usynys aıta alatyn kez kelgen adamnyń pikirin tyńdap, ony reformalaý jónindegi jobamyzǵa engizýge daıynbyz. Jaqyn kúnderi josparymyzdyń barlyǵy ashyq derekkózderge jarııalanady. Suraqtaryńyzdyń bárine jaýap berýge daıynbyz», dep sendirdi Sátqalıev óz jazbasynda.

Reformanyń negizgi prınıspteri retinde ol ashyqtyq, esep berý, bıznestiń kedergilerin joıý, áleýmettik jaýapkershilik pen sybaılas jemqorlyqpen kúres týraly aıqan.

«Meniń oıymsha, eń basty reforma – Qazaqstan Respýblıkasynyń árbir azamaty ulttyq baılyqty ádil bólýdiń elementi retinde Qordyń aktıvine ıelik etýge tikeleı qatysý múmkindigi bolmaq», dep jazdy Sátqalıev.

Jalpy, Qor basshysynyń aıtýynsha, osy jáne ózge de ózekti suraqtar 26 qańtar kúni áleýmettik jelide ótetin tikeleı efır kezinde bıznes qaýymdastyqpen talqylǵa túsedi.

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar