Basylymnyń sońǵy jazbasynda sportshynyń aýrýhanada qaıtys bolǵany týraly málimet tarady. Buzaqylar sportshyny búıir tusynan jaraqattaǵan. Jedel járdem qyzmetkerleri jedel jetip, sportshyny aýrýhanaǵa lezde jetkizgenine qaramastan, aq halattylar burynǵy jekpe-jek sheberiniń ómirin saqtap qala almady.
Maıkel Falkao UFC-de bir ǵana jekpe-jek ótkizgeni belgili. Ol Djerald Harrıske qarsy segiz buryshqa shyǵyp, qarsylasyn tóreshilerdiń bir jaqty sheshimimen jeńgen bolatyn. Alaıda arada birshama ýaqyt ótkennen keıin uıym ony óz qatarynan shyǵaryp tastady. Oǵan sebep, sportshynyń 2002 jyly áıel adamǵa shabýyl jasaǵany týraly aqparat taraǵan. Soǵan baılanysty sportshy quryqtalǵan da bolatyn.
Arada biraz ýaqyt ótkennen keıin ol Bellator-ǵa aýysty. Munda orta salmaqtaǵy dodanyń altynshy maýsymynda úzdik shyqty. Keıin Aleksandr Shlemenkomen shaıqasýǵa múmkindik alǵan Falkao qarsylasynan ekinshi raýndta nokaýtpen jeńilgen edi.
