Kúdikti 23 qańtar kúni tergeý ızolıatorynan medısınalyq kómek kórsetý úshin Aqtóbe qalalyq jedel járdem aýrýhanasynyń hırýrgııa bólimine emdelýge jetkizilgen. Jedel járdem aýrýhanasynan dári tamyzǵyshtyń quttysyn ustap qashqan.
Qazirgi ýaqytta arnaıy top qurylyp, kúdiktini izdestirý jáne ustaý boıynsha jedel-izdestirý sharalary júrgizilip jatyr.
«Atalǵan fakt boıynsha Aqtóbe oblysynyń polısııa departamenti sotqa deıingi tergeý amaldaryn bastady (QR Qylmystyq kodeksiniń 426-baby «Bas bostandyǵynan aıyrý oryndarynan, qamaqtan nemese kúzetten qashý». Oqıǵanyń mán-jaıyn anyqtaý boıynsha jumystardy Qylmystyq-atqarý júıesi komıteti Qazaqstan Respýblıkasy Ishki ister mınıstrligi ishki aýdıt júrgizip jatyr. Tekserý nátıjeleri boıynsha qoldanystaǵy zańnamaǵa sáıkes sharalar qoldanylady», dep habarlaıdy Aqtóbe oblysynyń ishki ister departamenti.
«Moı gorod» portaly áleýmettik jelilerde izdeý jarııalanǵan habarlamany jarııalady. Onda 1973 jyly týǵan Aıtqalıev Murat Jumaǵalıulynyń asa aýyr qylmys jasady degen kúdikke ilingeni, syrt kıimsiz júrgeni aıtylǵan.
