Bul týraly Polisia.kz saıty málim etti.
Qupııa oryn Shańyraq yqsham aýdanyndaǵy jeke turǵyn úıdiń edeniniń astyna salynǵan. Onda tártipsizdikke jáne qarý-jaraq dúkenin tonaýǵa qatysqan tórt adam urlanǵan qarý-jaraq pen oq-dárilerdi saqtaǵan.
«Tintý kezinde oqtary bar eki myrysh, 12 RGD jáne F-1 granatasy, AK-47-ge arnalǵan eki patron, oq ótkizbeıtin kıim, qalqandar, dýlyǵalar, RPG snarıady, tegis uńǵyly myltyq, toǵyz myltyq jáne t.b. tabyldy.
Aıǵaqty zattar tergeý-jedel tobymen prosessýaldyq tártipte tárkilendi. Qylmystyq is QR QK-niń 188 baby 3 bóligimen jáne QR QK-niń 291 baby 1 bóligimen tirkeldi. Kúdiktiler ýaqytsha ustaý ızolıatoryna qamaldy», dedi, Almaty qalalyq polısııa Departamenti bastyǵynyń orynbasary Berik Ábilbekov.
Ábilbekovtyń aıtýynsha, ustalǵandar arsenal tabylǵan jaldamaly úıde birge turǵan. Olardyń jasy 27, 35, 39-da.
