Bas dárigerdiń aıtýynsha, shaqyrtý jıilep ketken soń, medısına qyzmetkerleri de jıi aýyryp qalyp jatqan kórinedi. Máselen, oblys turǵyndary «103» qyzmetine sońǵy táýliktiń ózinde 2 020 ret qońyraý shalǵan. Dárigerler brıgadasy 1 321 shaqyrtýǵa baryp, 600-den astam turǵynnyń sýyq tıgizip alǵanyn anyqtaǵan.
– Sońǵy bes kúnniń ishinde jedel járdem shaqyrtýlary 30%-ǵa ósip ketti. Naýqastardyń kóbi sýyq tıip, dene qyzýy kóterilip jatqandar. Alaıda bul jerde jalpyhalyqtyq vaksınalaýdyń óz nátıjesin berip otyrǵanyn aıta ketý kerek. Shaqyrtý kóbeıgenimen, gospıtalǵa jatqandardyń sany 1 paıyzdan aspaıdy. Byltyr pasıentterimizdiń 30 paıyzy aýrýhana kereýetine jatqyzylǵan edi. Bıyl kóbi úı jaǵdaıyndaǵy em-dom sharalarymen shektelýde. Osy oraıda, «103» qyzmetine degen suranystyń kúrt óskenin taǵy esterińizge sala ketkim keledi. Keshigip jatsaq, keshirimmen qaraýlaryńyzdy suraımyz. Bizdiń qyzmetkerlerimizdiń de birazy aýyryp qaldy, sondyqtan jedel járdemdi kútý ýaqyty da uzaryp otyr, – dedi bas dáriger.
Jeńil-jelpi syrqattanyp qalǵan adamdardyń da jedel járdem qyzmetin shaqyrtyp jatqanyn aıtqan Irına Shteıgervald turǵyndardan entigý jáne tynys joldarynyń tarylý belgileri bolmasa, dene qyzýynyń kóterilýi men jeńil jótelge bola «103» qyzmetine qońyraý shalýdy azaıtýdy surady.
Qostanaı oblysy
