Avtomobıl jolynda birneshe shaqyrymǵa sozylǵan kólik keptelisi paıda bolǵan. Grekııa bıligi «Attıka odostaǵy» júzdegen kólikterdi qar qursaýynan qutqarý boıynsha aýqymdy operasııaǵa kiriskeni týraly Azamattyq qorǵanys mınıstri Hrıstos Stılanıdıs habarlady.
Operasııa órt sóndirý qyzmetiniń, polısııanyń qatysýymen jáne qarýly kúshterdiń, sondaı-aq eriktilerdiń úlken kómegimen júzege asyrylyp jatyr.
«Alǵashqy úsh saǵat ishinde júzge jýyq júrgizýshi kómektesti», delingen basylym taratqan aqparatta.
Bul kúni júrgizýshilerge tamaq pen sý berilip, olardy qaýipsiz jerlerge tasymaldaý uıymdastyrylǵan. Oqıǵa ornynan jedel aqparat taratqan birneshe jýrnalıst te qar qursaýynda qalyp qoıǵan.
Áleýmettik jelilerde keıbir júrgizýshiler 14 saǵat boıy qar qursaýynda turǵany týraly habarlamalar da tarady.
