Jańa basshyny fılıal tóraǵasy, Qaraǵandy oblysynyń ákimi Jeńis Qasymbek saıası keńestiń keńeıtilgen otyrysynda tanystyrdy.
Bekzat Qomaruly Altynbekov 1973 jyly Qaraǵandy oblysynyń Aqtoǵaı aýdanynda dúnıege keldi. Eńbek jolyn buqaralyq aqparat quraldary salasynda bastaǵan: «Arqa eńbekkeri» gazetiniń tilshisi, Aqtoǵaı aýdandyq radıostansasynyń telejúrgizýshisi boldy. Sonymen qatar ol uzaq jyldar boıy bilim berý salasynda basshylyq qyzmetterdi atqarǵan.
Qatarynan eki ret Jezqazǵan qalalyq máslıhatynyń depýtaty bolyp saılandy. Qazirgi ýaqytta Qaraǵandy oblystyq máslıhatynyń depýtaty.
Tarıh ǵylymdarynyń kandıdaty. Bilim berý isiniń qurmetti qyzmetkeri. «Altyn júrek» Ulttyq syılyǵynyń laýreaty.
Nur Otan partııasynyń qatarynda Bekzat Altynbekov 2007 jyldyń maýsym aıynan beri tirkelgen.
Osy qyzmetti toǵyz jyl boıy atqarǵan Qadısha Ospanova oblystyq máslıhatqa jumysqa aýysty. Ol áleýmettik-mádenı damý jáne halyqty áleýmettik qorǵaý jónindegi turaqty komıssııanyń tóraıymy bolyp saılandy.
