Aımaqtar • 26 Qańtar, 2022

Qostanaı oblysynda geroınniń iri partııasy tárkilendi

23 ret kórsetildi

Qostanaı oblysynyń PD Esirtki qylmysyna qarsy is-qımyl bólimshesiniń qyzmetkerleri prokýratýra organdarymen birlesip jeke kásipkerdi ustady, dep habarlaıdy Egemen.kz.

«Odan jarty keliden astam geroın tárkilendi. Mundaı zat esirtki zattaryn tabýǵa úıretilgen «Gerda» atty qyzmettik izdestirý ıtiniń kómegimen tońazytqyshtyń ishinen tabyldy. ​

Onyń buryn esirtki qylmysy úshin sottalǵan sybaılasynyń páterinen de bir rettik dozalar boıynsha ólshep, oralǵan taǵy 22 gramm geroın tabyldy. Barlyǵy osyndaı 36 túıinshek tárkilendi. Aıta keteıik, onyń jubaıy 2015 jyly esirtki úshin qylmystyq jaýapkershilikke tartylǵan», dep jazylǵan Qostanaı oblysynyń PD taratqan habarlamada.

Kúdiktiler ÝUI-na qamalyp, olarǵa qatysty asa iri kólemde esirtki zattaryn saqtaý faktisi boıynsha qylmystyq is qozǵaldy. Atalǵan qylmys úshin 15 jylǵa deıin bas bostandyǵynan aıyrý jáne dúnıe múlkin tárkileý qarastyrylǵan.

Osylaısha, 3 myńǵa jýyq «aýyr» esirtkiniń bir rettik dozasynyń taralýyna jol berilgen joq. Odan ári tergeý-jedel is-sharalary júrgizilýde.

Sońǵy jańalyqtar

Uqsas jańalyqtar