Aımaqtar • 26 Qańtar, 2022

Atyraýda birqatar sheneýnik jazalandy

154 ret kórsetildi

Atyraýda Ádep jónindegi keńes otyrysynda birneshe sheneýnikke qatysty tártiptik ister qaraldy, dep habarlaıdy Egemen.kz oblys ákimdiginiń baspasóz qyzmetine silteme jasap.

«Mahambet aýdany ákimi apparatynyń basshysy buryn qoldanylǵan tártiptik jazaǵa qaramastan, óziniń eńbekke ýaqytsha jaramsyzdyǵy kezeńinde qyzmettik avtokólikti paıdalana otyryp, zańnama talaptaryn buzdy. Osyǵan baılanysty Ádep jónindegi keńes atqaratyn memlekettik laýazymynan bosatý týraly usynys engizdi», delingen ákimdik baspasóz qyzmetiniń habarlamasynda.

Sondaı-aq, Atyraý oblysy boıynsha Tekserý komıssııasynyń basshysyna qatań sógis túrinde tártiptik jaza qoldaný usynyldy. Keńestiń pikirinshe, ol ujym ishinde iskerlik ári dostyq qarym-qatynas ornata almady.

Jazany Atyraý qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń basshysy da aldy. Sheneýnik qyzmetkerlerge dórekilik tanytty. Keńes eskertý túrinde tártiptik jaza qoldaný týraly sheshim shyǵardy.

«Sondaı-aq, Inder aýdany ákimdiginiń laýazymdy tulǵalarynyń tártiptik jazany merziminen buryn negizsiz alyp tastaýyna jáne Esbol aýyldyq okrýgi ákimine 656 609 teńge mólsherinde zańsyz syıaqy berýine baılanysty Ádep jónindegi Keńestiń sheshimimen syılyqaqyny memleket bıýdjetine qaıtarý týraly sharalardy júzege asyrý týraly usynys engizildi», delingen habarlamada.

Sońǵy jańalyqtar

Uqsas jańalyqtar