Koronavırýs • 27 Qańtar, 2022

Jyl basynan beri 72 myńnan astam elordalyq koronavırýs juqtyrǵan

56 ret kórsetildi

Elordada qańtar aıy bastalǵaly epıdemıologııalyq jaǵdaı asa kúrdeli deńgeıde. Bul týraly qalanyń bas memlekettik sanıtarlyq dárigeri Sarhat Beısenova málimdedi, dep jazady Egemen.kz

Onyń aıtýynsha, turaqtaný úrdisine qaramastan indet juqtyrý jaǵdaıy joǵary deńgeıde qalyp otyr. Táýligine 2852 rastalǵan jaǵdaı tirkelgen.

«Qańtardyń 27 kúninde 72 017 jaǵdaı anyqtaldy. Bul elimiz boıynsha jalpy tirkelgen jaǵdaılardyń 44,6%-yn quraıdy. COVID-19 adamdardyń densaýlyǵyńyzǵa teris áser etedi. Ásirese, vaksınasııa almaǵandar úshin qaýipti. Vaksınasııadan góri aýyrǵan durys dep sanaıtyndar bar. Bul durys emes. Koronavırýs ınfeksııasy – óte qaýipti aýrý», dedi Sarhat Beısenova.

Elordanyń bas sanıtarlyq dárigeri postkovıdtik sındromnyń qaýiptiligin de eskertti.

«Bizge belgili postkovıdtik sındrom týraly aıtatyn bolsaq, ol úsh aıdan bir jylǵa deıin sozylýy múmkin. Keıde ol aýrýdan soń 2-3 aıdan keıin ǵana damıdy. Kovıdti jeńil túrde qabyldady degen pasıentterdiń ózinde de ımmýnıtet qatty zardap shegedi. «Omıkron» «delta» shtamyna qaraǵanda jeti ese juqpaly ekenin eskere otyryp, halyqtyń basym kópshiliginde ımmýnıtet tómendeıtinin túsiný kerek», dedi vedomstvo ókili.  

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar