Osy taǵaıyndaýǵa deıin ol QR IIM Esirtki qylmysyna qarsy is-qımyl departamentiniń bastyǵy qyzmetin atqarǵan.
«Prezıdent Ákimshiligimen kelisý boıynsha Ishki ister mınıstri Erlan Turǵymbaevtyń buıryǵymen Qostanaı oblysy Polısııa departamentiniń bastyǵy qyzmetine polısııa polkovnıgi Erlan Omarbekov taǵaıyndaldy.
Polısııa departamentiniń jeke quramyna jańa basshyny Ishki ister mınıstri tanystyrdy», dep habarlady polısııadan.
Erlan Bolatuly Omarbekov 1971 jyly Shyǵys Qazaqstan oblysynda dúnıege keldi. Quqyq qorǵaý organdarynda 1993 jyldan beri qyzmet atqaryp keledi.
Eńbek jolyn polısııa batalonynda mılısııa qyzmetkeri bolyp bastaǵan.
Shyǵys Qazaqstan jáne Qaraǵandy oblystarynda túrli basshylyq laýazymdardy atqarǵan.
QR Ishki ister mınıstrliginiń basshylyq qyzmetinde úlken tájirıbesi bar – Krımınaldyq polısııa komıteti tóraǵasynyń orynbasary boldy, sońǵy jumys orny –
QR IIM Esirtki qylmysyna qarsy is-qımyl departamentiniń bastyǵy.
Al Qostanaı oblysy Polısııa departamentin alty jyldan astam ýaqyt basqaryp kelgen Beket Aımaǵambetov QR IIM qaramaǵyna alyndy.
