Jeksenbide el aýmaǵynyń basym bóliginde atmosferalyq aýa aǵyndary ótýiniń áserinen aýa raıy qubylmaly bolady. Kóbinese qar jaýady, jeldiń kúsheıýi, burqasyn, kóktaıǵaq bolýy yqtımal.
Respýblıka boıynsha keı jerlerde tuman túsedi. Túrkistan oblysynyń ońtústiginde jáne taýly, taý bókterindegi aýdandarynda tuman bolyp, taýly aýdandarda jel 15-20 m/s kúsheıedi.
Jambyl oblysynynyń soltústik - shyǵysynda jáne taýly aýdandarynda kóktaıǵaq, soltústiginde, taýly jáne taý bókterindegi aýdandarynda-tuman, al ońtústik-batysynda, soltústik-shyǵysynda jáne taýly aýdandarynda jeldiń ekpini 15-20 m/s jetedi.
Qostanaı oblysynyń ońtústiginde-jaıaý burqasyn, oblystyń soltústiginde-tuman kútiledi. Kúndiz Aqtóbe oblysynyń soltústik-batysynda, soltústiginde jaıaý burqasynmen jel 15-20 m/s kúsheıedi. Mańǵystaý oblysynyń soltústiginde, ońtústik-batysynda – kóktaıǵaq, soltústiginde – tuman.
Atyraý oblysynyń shyǵysynda-tuman, kúndiz oblystyń soltústiginde jeldiń jyldamdyǵy 15-20 m/s jetedi. Batys Qazaqstan oblysynyń soltústiginde tuman túsýi múmkin, óńirdiń ońtústik-batysynda, shyǵysynda jel 15-20 m/s kúsheıedi.
Shyǵys Qazaqstan oblysynyń ońtústik bóliginde jaıaý burqasyn kútiledi, oblystyń soltústiginde tuman túsedi, oblystyń ortalyǵynda jel turady, jyldamdyǵy 15-20 m/s.
Aqmola oblysynyń soltústik-batysynda, Qyzylorda oblysynyń soltústiginde tuman kútiledi. Qaraǵandy oblysynyń batysy men soltústiginde jaıaý burqasyn bolyp, kúndiz soltústigi men ortalyǵynda jel 15-20 m/s kúsheıedi.
Almaty oblysynyń Jalańashkól aýdanynda jel ekpini 17-22 m/s bolady, al óńirdiń batysynda, soltústiginde, taýly jáne taý bókterindegi aýdandarynda tuman túsip, kóktaıǵaq bolady.
