Saıasattaǵy básekelestik jalpy qoǵamnyń, ekonomıkanyń damýyna bastaıtyny sózsiz. Sondaı-aq saılaýda saıası partııalardyń legıtımdi jeńiske jetýi ózge partııalar arasyndaǵy dodany arttyra túspek.
Prezıdent óz sózinde parlamenttik jáne partııalyq júıeni reformalaý týraly aıtyp ótti. Sondaı-aq Memleket basshysy Parlamenttiń tómengi palatasynda birneshe myqty partııa bolýǵa tıis degen pikir bildirdi. Bul elimizdegi saıası reformanyń negizi baǵyttary dep oılaımyn. Kóppartııalyqtan qoryqpaý kerek. Básekeles partııalar arqyly saıası mádenıet qalyptasady.
Qazir qazaqstandyq saıası mádenıetti qalyptastyrý jaıynda jıi aıtylyp jatyr. Parlamentte básekeles birneshe partııanyń bolýy qoǵamymyzda saıası mádenıettiń nyǵaıýyna yqpal etedi. Partııalar qoǵamnyń túrli jigi men tobynyń múddesin qorǵaıdy. Bul máseleler, eń aldymen, alańda emes, Parlament qabyrǵasynda kóterilýi kerek.
Rýslan AHMAǴANBETOV,
Ál-Farabı atyndaǵy
QazUÝ aǵa oqytýshysy,
PhD doktorant
