Qos reforma qatar júredi

Áńgime eń aldymen Alma­ty qalasynda oryn alǵan oqı­ǵalarǵa qatysty órbidi. Bul jer­de Qasym-Jomart Toqaev terro­rıstik shabýyldardyń uıym­dasqan sıpatyn aıǵaqtaıtyn keı­bir jaıttar týraly aıtyp berdi. Olardy ótkizý úshin gas­tar­baıterler retinde Almaty áýe­jaıyna arnaıy daıyn­dalǵan sodyrlar toby kelip, she­karalyq baqylaýdan ót­ken. Buǵan qatysty Prezıdent: «Bul naǵyz soǵys boldy», dedi. Beıbit sherýlerdiń artynda tonaýshylar men buzaqylar, sodan keıin qarýly bandıtter turdy.

Jýrnalıstiń osy sha­býyl­dar­dyń uıymdastyrýshysy kim ekendigi týraly suraǵyna oraı Prezıdent tergeýdiń aıaq­talýyn kútken jón ekenin aıtty. Bul qasiretti qańtardaǵy oqı­ǵalardyń tolyq kórinisin berýi kerek quqyq qorǵaý organ­da­rynyń mıssııasy dep sanaıtynyn jetkizdi. Bul, árıne, oǵan tán dıplomatııalyq tásil – asyǵys qorytyndy jasamaý.

Prezıdent qıyn-qystaý sátte oqý-jattyǵýlarda pysyq­talyp, qaǵazǵa jazylǵan tetik­ter «isten shyqty» dep batyl aıt­ty. Is-qımyldyń naqty algo­rıtmi bolǵan joq, kúshtik vedomstvolardyń keıbir basshylary qajetti sheshimder qabyldamaǵanyn aıtty.

Ol sondaı-aq aqparat «maı­­da­n­yndaǵy» sátsizdikti mo­ıyn­­dady. Prezıdent tapsyr­ma­la­ry halyqqa durys túsindiril­megenin jetkizdi.

Memleket basshysy bul kún­deri qıyn sheshimder qabyldaýǵa týra kelgenin atap ótti. Meniń oıymsha, kez kelgen ınsınýasııa aıasynda bul onyń ómirlik tájirıbesi, joǵary mádenıeti men aqyl-oıynan habar beretin qıyn sheshim boldy. 

Elge, azamattardyń qaýip­siz­digine jaýapty Prezıdent retinde ol jaǵdaıdy ózgertýge jáne konstıtýsııalyq tártip­ti qalpyna keltirýge yqpal etetin sheshimder qabyldaý ke­re­­gin jetkizdi. UQShU bitim­ger­­shilik kon­tıngentin Qazaq­stan­ǵa shaqy­rý bir jaǵynan kút­­pegen jáne tıimdi sheshim bol­dy. Qasym-Jomart Toqaev atap ótkendeı, ol jaǵdaı­dy tu­raq­tandyrýda psıhologııa­lyq ról atqardy.

Qasiretti qańtar sabaq­taryn eskere otyryp, Mem­leket basshysy kez kelgen qıyn­dyq­taǵy syn-qaterlerge jaýap be­retin ulttyq qaýipsizdik júıe­sin qaıta qurý qajettigi týraly málimdedi.

Qasym-Jomart Toqaev dıplomat jáne tájirıbeli saıasat­ker retinde el ekonomıkasy men onyń azamattarynyń ıgiligi úshin beıbit yntymaqtastyq qa­ǵı­dat­taryna berik ekenin rastady.

Ol kadrlyq taǵaıyndaýlarǵa da toqtalyp, onyń barlyǵy tek basshylardyń quzyreti men iskerlik qasıetterin eskere otyryp jasalatynyn aıtty.

Prezıdent parlamenttik jáne partııalyq júıeni ózger­tý týraly oıymen bólisti. Iаǵnı ekonomıkalyq qaıta qurý­lar­men qatar, saıası reformalar da josparda tur. Demek bul – qos reforma qatar júredi degen
sóz.

Osy qıyn-qystaý kúnderde Memleket basshysy birneshe ret efırge shyǵyp, kásipkerlermen kezdesýge, Qaýipsizdik Keńe­siniń otyrysyna, Nur Otan par­tııa­synyń sezine, Memleketter basshylarynyń sammıtine qa­tysty. Munyń barlyǵy, árıne, onyń jaýapkershilik sezimi jáne jaǵdaıdy obektıvti baǵalaýǵa, bastysy kórýge jáne aqylǵa qonymdy sheshimder qabyldaýǵa kómektesetin erekshe saıası tájirıbesin ańǵartady.

Biz, óz kezegimizde, osyny uǵyna otyryp, Prezıdent ja­rııalaǵan ekonomıkalyq, saıası jáne áleýmettik reformalardy iske asyrý úshin barlyq kúsh-jigerimizdi jumsaýymyz qa­jet. Bul rette bolashaq úshin qaı­ta qurýlar jolyndaǵy senim­di negiz bolatyn birlik pen tu­ta­s­tyqty kórsetý mańyzdy.

Iýsýp KELIGOV,

QHA Keńesiniń, Nur-Sultan qalalyq Nur Otan partııasy Saıası keńesi bıýrosynyń múshesi