Koronavırýs • 01 Aqpan, 2022

Ajar Ǵınııat: Koronavırýstan qaıtys bolǵandar sany 1,3 ese tómendedi

79 ret kórsetildi

Bul týraly QR Densaýlyq saqtaý mınıstri Ajar Ǵınııat Úkimet otyrysynda málimdedi, dep jazady Egemen.kz.

«Respýblıkada koronavırýs ınfeksııasy boıynsha epıdemıologııalyq jaǵdaı kúrdeli, biraq sońǵy aptada aldyńǵy aptamen salystyrǵanda jaǵdaı turaqtanyp keledi. Jyl basynan beri respýblıkada 250 myńnan astam adam koronavırýs ınfeksııasymen aýyrdy, sońǵy aptadaǵy jaǵdaılardyń ortasha táýliktik kórsetkishi 8 myńǵa deıin jetti», dedi vedomstvo basshysy.

Qańtar aıynda KVI-dan ólim-jitim deńgeıi jeltoqsanmen salystyrǵanda 1,3 esege tómendegen.

«Sońǵy eki aptada koronavırýs ınfeksııasymen syrqattanýshylyq deńgeıi 2,4 ese ósti. Bul rette aýrýdyń eń kóp ósýi Soltústik Qazaqstan, Aqmola, Qostanaı jáne Shyǵys Qazaqstan oblystarynda baıqalady (6 ese). Syrqattanýshylyq 7 óńirde: Batys Qazaqstan, Qaraǵandy, Aqtóbe, Jambyl, Almaty, Atyraý oblystarynda jáne Almaty qalasynda 2-den 6 esege deıin ósti. Mańǵystaý, Túrkistan, Qyzylorda oblystarynda jáne Nur-Sultan jáne Shymkent qalalarynda 2 esege deıin ósim baıqaldy», dedi Ajar Ǵınııat.

Sońǵy jańalyqtar

Uqsas jańalyqtar