Qazirgi ýaqytta elimizde qurylys salasynda baqylaý álsiz bolǵandyqtan, keıbir obektilerdiń kemshilikteri baıqalady.
Memlekettik baqylaýdy kúsheıtý úshin kelesi shuǵyl sharalardy qamtıtyn zań jobasy ázirlendi:
- Aýmaqta qurylysty sapasyz josparlaýdy boldyrmaý úshin qala qurylysy saraptamasyn engizý;
- Qurylystyń barlyq kezeńinde (qazanshuńqyr qazýdan bastap abattandyrý jumystaryna deıin) obektilerge josparly baqylaý engizý jáne memlekettik sáýlet-qurylys baqylaý organdarynyń obektilerdi paıdalanýǵa qabyldaýǵa qatysýy;
- Paıdalanylatyn materıaldar men oryndalǵan jumystardyń sapasyna zerthanalyq jáne tehnıkalyq tekserý júrgizý úshin táýelsiz memlekettik zerthanalyq qyzmet qurý.
Memleket basshysy 2021 jylǵy Joldaýynda qalalardy keshendi salýdyń jańa standarttaryn ázirleý qajettigi jóninde aıtqan bolatyn. Osyǵan baılanysty Mınıstrlik qala aýmaǵyn sapaly josparlaý standarttarynyń birinshi redaksııasyn ázirlep, memlekettik organdar men uıymdarǵa kelisýge jiberdi.
Standarttar tartymdy jáne yńǵaıly qoǵamdyq keńistik qalyptastyrady dep kútilýde. Jaıaý júrginshiler men velosıped ınfraqurylymyn damytýdy eskere otyryp, jınaqy qurylysty jobalaýdyń qarapaıym jáne kórneki quraly bolady.
Jańa standarttardy bıylǵy maýsym aıynda bekitý josparlanǵan. Onda qala aýmaqtaryn keshendi damytý prınsıpteri, qala aýmaqtaryn damytý standarty, qalalardyń kelbetin qalyptastyrý standarty, bos aýmaqtardy ıgerý standarty, jobalardy ázirleý jáne iske asyrý jónindegi nusqama qamtylady.
Osy standarttardy eskere otyryp, ákimdikter ártúrli kózderden qarjylandyrylatyn oram/aýdan aralyq josparlardy ázirlep, bekitýi tıis. Injenerlik ınfraqurylymdy, turǵyn úı qoryn kezeń-kezeńmen rekonstrýksııalaýdyń keshendi tásilin ázirleýi qajet.
