Sınoptıkterdiń boljamyna sáıkes, aqpanda elimizdiń basym bóliginde aýanyń ortasha temperatýrasy klımattyq normadan 1-2°S joǵary bolady.
Elimizdiń shyǵysynda Taımyr men Shyǵys Sibir aýdandarynan sýyq antısıklonnyń yqpal etýine baılanysty aýa temperatýrasy klımattyq norma shamasynda bolady.
Aqpanda jaýyn-shashyn mólsheri respýblıkanyń basym bóliginde norma shamasynda bolady, al Qazaqstannyń batysynda, ońtústik, ońtústik-shyǵys jáne shyǵys aýmaqtardyń taýly jáne taý bókterli óńirlerinde normadan kóp jaýady.
Aqpannyń alǵashqy 10 kúnniń basynda Qazaqstannyń basym bóliginde aıaz bolady jáne jaýyn-shashyn az jaýady, al respýblıkanyń batysynda Batys jáne Ońtústik sıklondardyń yqpalynan jaýyn-shashyn (jańbyr, qar) jaýady, jel 15-20 m/s deıin kúsheıedi, tuman jáne kóktaıǵaq bolady.
Respýblıkanyń qalǵan aýmaǵynda da jaýyn-shashyn jaýady, jel bolady.
Aqpannyń birinshi onkúndiginiń birinshi jartysynda eldiń ońtústigi men batysynda kúndiz aýa temperatýrasy kóteriledi.
Birinshi onkúndiktiń ortasynda elimizdiń soltústiginde jáne ortalyǵynda túnde -10...-20°S-tan -5...-13°S-qa deıin, kúndiz -5...-15°S-tan 0...-8°S-qa deıin aıaz bolady.
Onkúndiktiń sońynda respýblıkanyń shyǵysynda temperatýra túnde -18...-23°S-tan -12...-17°S-qa deıin, soltústik-shyǵysta -28...-33°S-tan -20°S-qa deıin, kúndiz -10...-15°S-tan -5...-10°S-qa deıin joǵarylaıdy.
Ekinshi jáne úshinshi onkúndikterde aýa raıy turaqsyz bolady: jaýyn-shashyn (jańbyr, qar), ekpindi jel, elimizdiń soltústik-batys jartysy men batysynda burqasyn, ońtústiginde keı kúnderi shańdy daýyl bolady.
Keı kúnderi Shyǵys Sibir aýdandarynan sýyq antısıklonnyń áserinen temperatýra tómendeıdi:
batysta jáne soltústik-batysta túnde -12...-22°S-qa deıin, kúndiz -3...-10°S-qa deıin;
soltústik jartysynda túnde -20...-35°S-qa deıin, kúndiz -13...-18°S-qa deıin;
ońtústik jartysynda túnde -8...-15°S-qa deıin, kúndiz -5...+3°S-qa deıin.
Keı kúnderi temperatýra joǵarylaıdy:
batysta túnde -5...+1°S-qa deıin, kúndiz +2...+8°S-qa deıin;
soltústik-batysta, soltústikte, ortalyqta jáne shyǵysta túnde -3...-15°S-qa deıin, kúndiz -6...+3°S-qa deıin;
ońtústikte, ońtústik-shyǵysta jáne ońtústik-batysta túnde -5...+5°S deıin, kúndiz +5...+12°S deıin kóteriledi.
