Baǵa nege ósti degen saýalǵa sál keıinirek jaýap beremiz, ázirge myna bir qyzyq derekterge nazar aýdaraıyq. Eń qymbat úıler Gonkong, Sıngapýr jáne BAÁ-de eken. Al eń arzany – Nepalda. TMD elderiniń ishinen Qazaqstannan da arzan arendalyq baspanany 266,3 dollarǵa Ázerbaıjannan tabýǵa bolady. Reseıde aılyq jaldaý baǵasy – 412,5, Armenııada – 396,74, Ýkraınada – 366,11, О́zbekstanda – 322,27, Belarýsta – 306,17 dollar.
2021 jyldyń jeltoqsan aıynda Qazaqstanda jaıly jabdyqtalǵan turǵyn úıdiń arendalyq tólemi birden 17,5 paıyzǵa qymbattap,
1 sharshy metri 1,9 myń teńgege jetken. Iri qalalar arasynda qatty qymbattaý Almatyda baıqalady – birden 40,6 paıyzǵa ósken. Antılıderler qatarynan Oraldy (+32,5 paıyz) jáne Shymkentti (+31,3 paıyz) kóremiz. Eń tómengi jyldyq ósim Tarazda (+5,5 paıyz) baıqalady.
«Turǵyn úı arendasynyń eń joǵarǵy baǵasy elordada baıqalady: sharshy metri – 3,7 myń teńge. «Qymbat» qalalar ishinde Almaty (3,3 myń teńge), Aqtaý (2,4 myń teńge) qalalary bar.
«Arendalyq baǵanyń ósimi kóptegen faktorlarmen, sonyń ishinde jyljymaıtyn múlik naryǵyndaǵy satý qunynyń ósýimen baılanysty. Arenda segmenti men turǵyn úı satylymy tyǵyz baılanysty. Úı satyp alýǵa degen joǵarǵy suranys jáne 2021 jylǵy baǵa qymbatshylyǵy arenda segmentindegi usynysty «shaıyp» jiberdi. Páter baǵasynyń ósip jatqanyn paıdalanyp kóptegen arendalyq baspana ıeleri paıda tabý úshin úılerin satylymǵa shyǵardy. Al satqysy kelmegender arenda baǵasyn kóterdi. Sóıtip, tabystylyqty saqtap qalýǵa jáne ony ulǵaıta túsýge árekettendi», deıdi turǵyn úı salasynyń táýelsiz sarapshysy Anna Shaskaıa.
Sarapshynyń aıtýynsha, úı satyp alýdy josparlap, biraq baǵa ósýine baılanysty bul josparyn keıinge qaldyryp, páter jaldap turýǵa kóshken azamattar da suranystyń ósýin týǵyzdy. Ondaı jaǵdaıda usynys jasaýshylardyń da (arenda ıeleriniń) qymbat baǵamen saýdalasýǵa tyrysatyny belgili. Árıne, arendanyń qymbattaýyna budan ózge de ekonomıkalyq sebepter kóp. Sonyń qatarynda – tuǵyrynan túspeı turǵan ınflıasııany, karantın sharalarynyń álsireýin, oqý men jumystyń dástúrli formatqa oralýyn ataı alamyz. Onyń ústine 2020 jyly lokdaýn saldarynan kirisinen aıyrylǵan jalǵa berýshiler sonyń ornyn toltyrý úshin de baǵany ońdy-soldy ósirip jiberdi.
Birneshe kún buryn Úkimet úı kezeginde turǵan azamattardyń arendalyq aqysynyń jartysy tólenetinin málimdedi. Bul maqsatta 50 mlrd teńge qarastyrylǵan. Indýstrııa jáne ınfraqurylymdyq damý mınıstrliginiń málimetinshe, ákimdik kezeginde turǵan kópbalaly otbasylar men analar, I jáne II toptaǵy múgedekter, múgedek bala tárbıelep otyrǵan otbasylar, jetim jáne ata-ana qamqorlyǵynsyz qalǵan balalar (29 jastan aspaǵan) osy kómekti alady. Sondaı-aq kómek alýshyda Qazaqstan Respýblıkasynyń azamattyǵy bolýy jáne otbasynyń árbir múshesiniń sońǵy alty aıdaǵy tabysy eń tómengi kúnkóris deńgeıinen (2022 jyly 36 018 teńge) aspaýy qajet. Mınıstrliktiń esepteýinshe, elimizde ondaı azamattar sany 70 myńǵa jýyqtaıdy.
Degenmen sarapshylardyń bir shoǵyry 2022 jyly turǵyn úı naryǵynda jylymyq paıda bolýy múmkin dep boljaıdy. Qazaqstan jyljymaıtyn múlik federasııasynyń prezıdenti Ermek Músirepovtiń aıtýynsha, jyldyń ekinshi jartysynda páterge degen ajıotajdy suranys birshama báseńdeıdi.
«2022 jyldyń 1 sáýirinen bastap BJZQ-daǵy artyq aqshany merziminen buryn alýǵa baılanysty jańa shektiń belgilenýine oraı baspana naryǵyndaǵy ahýal biraz turaqtalady. Zeınetaqy aqshasy esebinen turǵyn úı jaǵdaıyn jaqsartpaǵandar muny 1 sáýirge deıin isteýge tyrysady. Mamyr aıynan bastap naryq, ásirese ekonom sanatyndaǵy segment qaıta jańarady. Aı kóleminde 1-2 paıyzǵa tómendeıdi. Al jaıly, bıznes jáne elıt sanatyndaǵy turǵyn úıler baǵasy ınflıasııa deńgeıine oraı ózgermek», deıdi ol.
