Shekteýler alyndy dep, shekten shyǵýǵa bolmaıdy

Oblystyq densaýlyq saqtaý basqarmasy baspasóz qyzmeti­niń aqparatyna qaraǵanda, 31 qańtarda Atyraý qalasynda koronavırýsty juqtyrýdyń 39 jaǵdaıy rastalyp otyr. Al Teńiz ken ornynda 2 naýqas tirkelgen. Sondaı-aq Jylyoı aýdanynda – 4, Isataıda – 1, Qur­manǵazyda – 1, Mahambet aýda­nynda 1 naýqas anyqtaldy. Qaýipti vırýstan 696 adam emde­lip shyqty.

Qazir úı jaǵdaıynda – 6 048 adam, 2 360 oryndyq ınfek­sııalyq stasıonarlarda 276 naý­qas (júkteme – 11,7%) emdelý úshin oqshaýlanǵan. Onyń ishinde modýldik aýrýhanada – 150, ftızıopýlmanologııalyq ortalyqta – 53, aýdandarda ashyl­ǵan ınfeksııalyq stasıo­nar­larda – 50, al №2 oblystyq aýrýhanada 23 naýqas em qabyl­dap jatyr. Jylyoı aýdanynda ornalasqan Teńiz ken ornynda­ǵy ınfeksııalyq stasıonarda emde­lip jatqan naýqas joq.

Osyǵan baılanysty 31 qań­­tarda oblystyń bas sanı­tar dá­rigeri Mádenıet Tana­ýov «Aty­raý oblysynyń karan­tın­dik shekteý sharalaryn kezeń-keze­ńimen jeńildetý týraly» jańa qaýlyǵa qol qoıdy. Jańa qaýlyǵa sáıkes turǵyndardyń alańdar men skverlerde, jaǵa­laýlar men saıabaqtarda, ózge de demalys oryndarynda bir otbasy múshelerin qospaǵanda, 3 adamnan artyq top bolyp jı­nalýyna tyıym salyndy. Mundaı tyıym oıyn-saýyq, sal­tanatty, eske alý, otbasylyq (banketter, úılený toılary, mereıtoılar), onyń ishinde úıde ótkiziletin, Ashyq jobasyna qatysýshylardy eseptemegende, adamdar kóp jınalatyn is-sharalarǵa da qoldanylady.

Al mektepterde sabaq ótkizý­diń eki formaty usynylyp otyr. Máselen, mektepke deıingi bi­lim berý uıymdary jumysyn shtattyq rejimde jalǵastyrady. Alaıda ata-analardyń ótinishi eskeriledi. Qosymsha bilim berý ortalyqtary da shtattyq re­jimde jumys isteıdi. О́ńirdegi 600-ge deıin oqýshy oqıtyn mektepterde, ózge bilim orda­la­rynyń 1-4-synyptarynda sa­baq shtattyq rejimde ótkizile beredi. Sondaı-aq halyqaralyq mektepterdegi 1-6-synyptardyń oqýshylary osyndaı oqý formatymen sabaqqa qatysady.

Oqýshy sany 600-den asatyn mektepterge sabaqty jobalyq syıymdylyǵynyń 50 paıyzynan aspaıtyn júktememen shtat­tyq rejimde ótkizý usy­nyl­dy. Kolledjder men joǵary oqý oryn­darynyń stýdentteri aralas formatta oqıdy. Barlyq dáris onlaın, al praktıkalyq, zerthanalyq, semınarlyq sa­baq­tar, óndiristik praktıkalar ıkem­di keste boıynsha shtattyq re­jimde ótedi.

Oblystyq sanıtarlyq-epı­demııalyq baqylaý de­parta­­men­ti basshysynyń oryn­ba­sa­ry Álııa Bekeshevanyń aıtýyn­sha, qyzmetkerler men kelý­shilerdiń qaýipsiz «jasyl» mártebesimen jumys isteı­tin nysandar úshin shekteýler aly­nyp tastaldy. Demek Ashyq jo­basyna qatysatyn nysan­dar­dyń jumys jáne demalys kúnderindegi jumys rejiminiń ýaqytyna shekteý bolmaıdy. Ashyq jobasyna qosylǵan ny­sandarda saltanatty toılar­dy, eske alý, oıyn-saýyq, sport­tyq is-sharalardy ótkize berý­ge bolady. Kórmeler men kon­ferensııalardy, forýmdar­dy ótkizýge ruqsat etildi. Sport ke­shenderi, oıyn klýbtary, kazıno, túngi klýbtar, karaoke, sa­ýyqtyrý jáne dinı, saýda-oıyn-saýyq nysandary burynǵysha jumys isteıdi. Budan bylaı saý­da alańy 1000 sharshy metr­den asatyn azyq-túlik emes bu­ıymdar, sondaı-aq saýda ala­ńy 6000 sharshy metrden asa­­tyn azyq-túlik satatyn saý­da je­lileriniń, basseınderdiń ju­mysy toqtatylmaıdy.

– Biraq karantındik shekteý­ler alyndy eken dep, saqtyq sharalaryn umytýǵa bolmaıdy. Bul – maska taǵý rejimin saqtaý. Koronavırýs ınfeksııasyna ­qar­sy vaksınalaýdan, sondaı-aq revaksınalaýdan ótýdi eske­rý qajet. О́ıtkeni qaýipti vırýs­tyń taralýyn tejeýdiń jalǵyz tásili – vaksına saldyrý, – deıdi Álııa Bekesheva.

О́ńirde turǵyndardyń vaksına saldyrýyna yńǵaıly bolýy úshin 69 egý beketi jumys isteıdi. Onyń ishinde jyljymaly 10 beket bar. Osy beketterde byltyrǵy 1 aqpannan beri
264 598 atyraýlyq COVID-19 ınfeksııasyna qarsy vaksına­lardyń birinshi komponentin saldyrdy. Vaksınalardyń ekinshi kom­ponentin alǵandardyń sany 247 648 adamǵa jetti. Sondaı-aq 25 955 adam qaıta vaksınalaý­dan ótken. Pfizer vaksınasyn al­ǵandar 5 304 adamdy qurap otyr.

Atyraý oblysy