«Bas prokýratýra qańtar oqıǵasynda bolǵan qylmystardyń tergelýin, azamattardyń konstıtýsııalyq quqyqtaryn, zańdylyqtyń saqtalýyn qadaǵalaýdy jalǵastyryp keledi. Búgingi kúni 2 752 qylmystyq is tergelýde. 802 kúdikti sot sanksııasymen qamaýǵa alyndy. Al 91 tulǵaǵa bultartpaý sharasy qoldanyldy. Qamaýǵa alynǵandardyń 113-i - sotty bolǵan, kisi óltirý, urlyq, tonaý jáne qaraqshylyq úshin jáne radıkaldy dinı aǵymdardyń jaqtaýshylar», dedi ol ortalyq kommýnıkasııalar qyzmetidegi brıfıng barysynda.
Onyń atap ótýinshe, kúdiktilerdi qamaýǵa alý máselesin qarastyrý kezinde olardyń árqaısysynyń is-áreketi, jeke basy, kinásin moıyndaý jáne tergeýge kómek kórsetýi eskeriledi.
«Osy negizdermen prokýrorlar kúdiktini qamaýǵa alý týraly 11 usynysty qoldamady. О́z kezeginde sot ta 80 kúdiktini qamaýǵa alýdan bas tartty. Ýaqytsha ustaý ızolıatorynan 103 adam bosatyldy», dedi Eldos Qılymjanov.
