AQSh: DAISh basshysy óltirildi

AQSh basshysy: «Aqpannyń 3-ine qaraǵan túni meniń buıryǵy­mmen Sırııanyń soltústik-batysyn­daǵy AQSh Qarýly kúshteri amerıka­lyq­tar men odaqtastardy qorǵaý jáne álem­de qaýip­sizdikti qamtamasyz etý úshin ter­ro­rızmge qarsy operasııany sát­ti ót­kizd­i. Bizdiń Qarýly kúsh­­teri­miz­diń she­ber­ligi men batyl­dyǵy­nyń nátı­je­sinde «Islam mem­leketiniń» jetek­shisi Ábý Ibra­hım ál-Hashımı ál-Quraısh urys alańynda óltirildi», dep málimdedi.

Sonymen qatar AQSh prezıdenti jaýyngerler operasııadan aman-esen oralǵanyn aıtty. Ál-Quraısh naqty qaı jerde óltirilgeni týraly derek áli habar­lanbady. DAISh-tiń aqparattyq re­sýrs­tary kósh­basshynyń qaıtys bol­ǵany týra­ly habardy áli rastamady, ja­ńa basshy saılaıtyny týraly da qan­daı da bir jańalyq jarııalanǵan joq.

Djo Baıden bul habardy otan­dyq telearnalar arqyly halyqqa jetkizdi. Twitter-degi paraqshasynda ol vıse-prezıdent Kamala Harrıs­pen birge operasııa barysyn baqy­lap otyrǵany beınelengen sýret jarııalady.

Lıvannyń Al Mayadeen tele­ar­­na­sy­nyń habarlaýynsha, Idlıb pro­­v­ın­­sııasyndaǵy Atma qa­la­sy­nyń aýma­ǵynda operasııa kezin­de 13 beıbit tur­ǵyn qaza tap­qan. Ope­rasııa bastalmas buryn AQSh ar­naıy kúshteri daýys kúsheıt­kish ar­qyly terrorıstik top jetek­shisi­ne óz erkimen berilýdi usyn­­ǵan. Kóshbasshy kelisimnen bas tart­­q­annan keıin urys bastalǵan. Eki tik­ushaq tarapynan berilgen soq­qy­­dan eki turǵyn úı qırady. Bul aza­­ma­t­­tardyń ólimine alyp keldi. Reuters agenttigi «Sırııa Azamattyq qor­ǵanysy» dep atalatyn toptyń aqpa­ra­tyna silteme jasaı otyryp, oqıǵada 6 balanyń qaıtys bolǵanyn habarlady. Shabýyl shamamen úsh saǵatqa sozylǵan.

Buǵan deıin qańtar aıynyń sońynda amerıkalyq arnaıy kúshter Sırııa kúrdteri quramalaryna Ash–Shaddadı aýdanyndaǵy Hasake pro­vın­sııa­syn­daǵy túrmeden qashyp ketken 70-ke jýyq DAISh so­dy­rynyń qarýly kóteri­li­sin basý­ǵa kómektesken-di. Kóteri­lis kúrd­terdiń Demokratııa­lyq kúshter oda­ǵy jaýyngerleri men AQSh ás­kerı kúshteriniń birigýimen toqtatyldy.

Ábý Ibrahım ál–Hashımı ál-Quraısh 2019 jylǵy 26 qazanda toptyń birinshi jetekshisi Ábý Bákir ál-Baǵdadı amerıkalyqtardyń ar­naıy operasııasy kezinde qaza bol­ǵan­nan keıin sol jyly 31 qa­zan­­­da «halıf» bolyp taǵaıyn­dal­dy. Bastapqyda DAISh tarapy ál-Baǵ­dadıdiń ólimi týraly aq­paratty joqqa shyǵardy. Jańa bas­shy esimindegi «ál-Quraısh» onyń Muhammed paıǵambar (s.ǵ.s.) shyqqan arab taıpasynan ekenin bildiredi. Jalpy, ol týraly naqty aq­parat joq, DAISh-tiń beınehabarlandyrýlarynda júzin kórsetip túspeıdi. Onyń esimi – ál-Hashımı de búrkenshik at degen sybys bar. 2019 jyldyń qarasha aıynda sol kezdegi AQSh prezıdenti Donald Tramp Vashıngton ál-Quraıshıdiń shyn esimin anyqtaǵanyn habarlady, degenmen jetekshiniń aty sol kúıi atalmady. Ál-Quraıshı DAISh partızandyq soǵysqa kóshken kezde top jetekshisi bolyp saılandy.

Counter Extremism Project máli­met­teri boıynsha, ál-Hashımı 1976 jyly Irakta dúnıege kelgen. Dinı bilim alǵan. 2003 jyly «ál-Kaıda» terrorıstik uıymyna qosylǵan.

2004 jyly ál-Hashımı tutqyn­da­lyp, Irakta AQSh Ákimshiligi bas­qa­ratyn Kemp-Býkk lagerine qa­mal­ǵan. Onda ál-Baǵdadımen tany­syp, onyń kózqarastaryn boıyn­a sińir­gen degen aqparat bar. Terro­rıs­tik toptaǵy sodyrlardyń kóbi sol la­gerden qosylǵandyqtan Kemp-Býkk «DAISh-tiń otany» dep atalyp júr.

Ál-Hashımıdiń túrmeden qalaı shyqqany belgisiz. AQSh ony tabýǵa kómektesetin aqparat úshin 5 mıllıon AQSh dollaryn usyndy, sodan keıin ony 10 mıllıon dollarǵa deıin arttyrdy. 2020 jyly mamyrda DAISh kóshbasshysynyń qolǵa túskeni týraly aqparat tarady, alaıda Baǵdat bul jańalyqty joqqa shyǵardy.