«О́tken jyldyń qorytyndysy boıynsha el ekonomıkasy 4 paıyzǵa ósti. О́ńdeý ónerkásibi 5,5%-ǵa, qurylys ındýstrııasy 7,6%-ǵa ósti. Qyzmet kórsetý salasynda oń dınamıka baıqalady. Saýda 9,2%-ǵa, kólik salasy 3,6%-ǵa ósti», dedi Qasym-Jomart Toqaev Úkimettiń keńeıtilgen otyrysynda.
Sondaı-aq, Memleket basshysynyń aıtýynsha, ınflıasııa deńgeıi óz kórsetkishinen asyp, 8,4%-ǵa jetken.«О́kinishke oraı, qańtar oqıǵasy turaqty ómirdi qamtamasyz etýdi túbegeıli ózgertti. Zańsyz áreketterdiń saldarynan kóptegen azamattar zardap shekti. Shaǵyn jáne orta bıznes ókilderi shyǵynǵa ushyrady. Qazirgi málimetter boıynsha bızneske 100 mıllıard teńgeden astam shyǵyn keltirilgen», dedi Prezıdent.
Úkimettiń keńeıtilgen otyrysynda Premer-Mınıstr Álıhan Smaıylov, Ulttyq bank tóraǵasy Ǵalymjan Pirmatov, «Samuryq-Qazyna» UÁQ» AQ basqarma tóraǵasy Almasadam Sátqalıev, Mańǵystaý, Jambyl, Almaty oblystarynyń, sondaı-aq Almaty qalasynyń ákimderi baıandama jasaıdy.
