Kásipqoı boks • 09 Aqpan, 2022

Resmı: Sápıevten jeńilgen AQSh boksshysy úsh beldikke talasady

900 ret

kórsetildi

1 mın

oqý úshin

WBC, IBF tujyrymdary boıynsha jartylaı orta salmaq dárejesindegi álem chempıony, amerıkalyq Errol Spens pen WBA (super) tujyrymy boıynsha álem chempıony, kýbalyq Iordenıs Ýgas ózara kezdesýde úsh beldikti sarapqa salady, dep habarlaıdy Egemen.kz.

Tabıǵat MUSYLMANQUL

Resmı: Sápıevten jeńilgen AQSh boksshysy úsh beldikke talasady

Bul týraly Errol Spenstiń ózi áleýmettik jeliler arqyly habarlady. Boksshy úsh beldik úshin ótetin jekpe-jek 16 sáýirge josparlanǵanyn atap ótti. Bir sózben aıtqanda ekeýara kezdesý Errol Spenstiń terrıtorııasynda ótedi. Ol Arlıngtondaǵy AT&T Stadium-da buǵan deıin eki ret rıngke kóterilgen bolatyn.

Jalpy, Errol Spens áýesqoı rıngte júrgende qazaqstandyq Olımpıada chempıony Serik Sápıevpen álem chempıonatynda kezdesken edi. 2011 jyly Ázirbaıjan astanasy Baký qalasynda ótken jahandyq dodada qazaqstandyq boksshy Spensti 20:10 esebimen jeńgen bolatyn. Qazirgi tańda taǵy bir Olımpıada chempıony Danııar Eleýsinov dál osy jartylaı orta salmaq dárejesinde baq synap júr. Sápıevtiń áýesqoıdaǵy jeńisti jolyn Eleýsinov kásipqoı rıngte jalǵastyryp ta qalar...