Aımaqtar • 09 Aqpan, 2022

Almatydaǵy Tótenshe jaǵdaılar departamentinde 262 oryn bos tur

232 ret kórsetildi

Bıyl Almaty qalalyq Tótenshe jaǵdaılar departamenti О́rt sóndirý jáne apattyq-qutqarý jumystary qyzmeti jeke quramynyń shtaty ulǵaıtylady. Bul týraly О́ńirlik kommýnıkasııalar qyzmetiniń brıfınginde TJD kadr saıasaty basqarmasynyń basshysy Sáýle Shakalova habarlady, dep jazady Egemen.kz.

Spıkerdiń aıtýynsha, shtattyń ulǵaıýy Qazaqstan Respýblıkasy Úkimetiniń qaýlysyna sáıkes júrip jatyr. Almatyda qatardaǵy jáne kishi basshy quramnyń, atap aıtqanda órt sóndirýshilerdiń, júrgizýshiler men telefonısterdiń qosymsha 262 bos orny paıda boldy.

Ol izdenýshilerdiń azamattyq qorǵaý júıesine qyzmetke qalaı ornalasýǵa bolatyny týraly baıandady. Qyzmetke orta bilimi bar, jasy 35-ten aspaǵan barlyq kámeletke tolǵan qazaqstandyqtar tura alady. Jumysqa ornalasý úshin kandıdattyń kásipkerlik qyzmetpen aınalyspaýy jáne qylmystyq jaýapkershilikke tartylmaýy mańyzdy.

«Barlyq kandıdattar densaýlyq jaǵdaıy, jeke jáne iskerlik qasıetteri, zańnamany bilýi, sondaı-aq dene shynyqtyrý daıyndyǵy boıynsha synaqtardan ótedi», dedi TJD kadr saıasaty basqarmasynyń basshysy.

О́rt sóndirý qyzmetiniń bolashaq sarbazdaryn alǵash oqytý Málik Ǵabdýllın atyndaǵy Azamattyq qorǵanys akademııasynyń oqý ortalyǵy bazasynda ótedi. О́rt sóndirýshiler kúntizbe boıynsha 35 kún, júrgizýshiler 14 kún, qalǵan úmitkerler apta boıyna oqıdy. Daıyndyq kezeńinde tyńdaýshylar bıýdjet qarajaty esebinen tamaqpen jáne turatyn orynmen qamtamasyz etiledi, taǵylymdama kezeńindegi jalaqy shamamen 100 000 teńgeni quraıdy.

S. Shakalova áıelderdiń de TJD-ne, mysaly, radıotelefonıst bolyp ornalasa alatynyn aıtty.

Spıker elimizde ofıserler kadrlaryn daıyndaıtyn joǵary oqý orny – Kókshetaý qalasynda Málik Ǵabdýllın atyndaǵy Azamattyq qorǵanys akademııasy bar ekenin aıtty. Kýrsanttardy oqytý respýblıkalyq bıýdjet esebinen júrgiziledi.

«Kýrsanttar tegin kıim-keshekpen, tamaqpen, stıpendııamen qamtamasyz etiledi. Akademııany támamadaǵan soń olarǵa «azamattyq qorǵanys leıtenanty» ataǵy berilip, jumysqa mindetti túrde ornalastyrylady. Kandıdattardy irikteý jyl saıyn TJD qańtar men mamyr aıynda júrgiziledi», dep habarlady S. Shakalova.

Sońǵy jańalyqtar

Uqsas jańalyqtar