Sonymen qatar, basqosýdyń uıymdastyrylýyna Ázerbaıjan Respýblıkasynyń Reseı Federasııasyndaǵy Elshiligi, О́zbekstan Respýblıkasynyń Reseı Federasııasyndaǵy Elshiligi, Geıdar Alıev qorynyń Reseıdegi ókildigi qoldaý bildirdi.
Aıta ketý kerek, onlaın formatta ótken alqaly jıyn Nızamı Gánjaýıdiń 880 jyldyǵy men Álisher Naýaıdyń 580 jyldyǵyna oraı uıymdastyryldy.
Keleli basqosýǵa Ázerbaıjan, Qazaqstan, О́zbekstan, Reseı, Tájikstan elderiniń kórnekti memleket jáne qoǵam qaıratkerleri, zııaly qaýym ókilderi, tanymal shyǵystanýshy ǵalymdar men túrkologtar jáne elshiler men dıplomattar qatysty.
Jıyndy M.V. Lomonosov atyndaǵy MMÝ Azııa jáne Afrıka elderi ınstıtýty Ortalyq Azııa jáne Kavkaz elderi kafedrasynyń meńgerýshisi, professor Jibek Syzdyqova júrgizip otyrdy.
Taǵylymdy is-sharanyń ashylý saltanatyna Halyqaralyq Túrki akademııasynyń prezıdenti Darhan Qydyráli, M.V. Lomonosov atyndaǵy Máskeý memlekettik ýnıversıteti Azııa jáne Afrıka elderi ınstıtýtynyń dırektory Alekseı Maslov, Ázerbaıjan Respýblıkasynyń Reseı Federasııasyndaǵy Tótenshe jáne О́kiletti Elshisi Polad Býlbýl Ogly, О́zbekstan Respýblıkasynyń Reseı Federasııasyndaǵy Tótenshe jáne О́kiletti Elshisi Botırjon Asadov, Eýrazııa halyqtary assambleıasy bas hatshysynyń birinshi orynbasary – bas hatshylyq meńgerýshisi, Reseı Federasııasy Prezıdenti janyndaǵy ultaralyq qatynastar jónindegi keńestiń múshesi, Reseı halyqtary Assambleıasy Keńesiniń tóraıymy Svetlana Smırnova, Tashkent memlekettik shyǵystaný ýnıversıtetiniń rektory Gúlchehra Rıhsıeva qatysyp, quttyqtaý sóz sóıledi.
.JPG)
О́z kezeginde Akademııa basshysy D.Qydyráli poezııa, ádebıet jáne ǵylym halyqtardy jaqyndastyratynyn atap ótti.
«Nızamı Gánjaýı men Álisher Naýaıdiń álemdik mádenıettiń uly murasy sanalatyn jaýhar jyrlary tek Shyǵystyń ǵana emes, búkil adamzattyń baǵa jetpes rýhanı baılyǵy. Jalpy, XII-XVI ǵasyrlar Shyǵys ádebıetinde Qaıta órleý dáýiri dep atalady jáne buǵan Nızamı Gánjaýı, Álisher Naýaı syndy tulǵalardyń sińirgen eńbegi zor», - dedi D. Qydyráli.
Sonymen qatar, Akademııa prezıdenti Nızamıden keıin Álisher Naýaı bastaǵan júzdegen aqyn-jazýshylar onyń shyǵarmashylyǵynan tamyr tartyp, ozyq ıdeıalaryn damytqandyǵyn atap ótti. Máselen, qazaq uly aqyny Abaı Qunanbaıuly Nızamı men Naýaıdy óziniń ustazy sanap, pir tutqan.
«Shyǵys pen Batysqa ortaq Nızamı men Naýaı shyǵarmalaryndaǵy rýhanı qundylyqtar qazirgi Eýrazııa keńistigindegi ǵylymı-gýmanıtarlyq ıntegrasııa jaǵdaıynda da ózekti», - dedi D. Qydyráli.
.JPG)
Sonymen qatar, ol Nızamı jáne Naýaı syndy uly oıshyldardyń shyǵarmashylyǵyn zertteý jáne nasıhattaý Akademııanyń basymdyqtarynyń biri ekenin atap ótip, uıymnyń «Álisher Naýaı» Altyn medalin taǵaıyndaǵanyn málimdedi.
Sóziniń sońynda D.Qydyráli Halyqaralyq Túrki akademııasynyń Nızamı men Naýaı shyǵarmashylyǵyna arnalǵan jumystary týraly baıandap, konferensııaǵa qatysýshy ǵylymı uıymdarmen tabysty yntymaqtastyǵyna tilek bildirdi.
Jıynnyń plenarlyq otyrysynda «Rýkopısı Alıshera Navoı v sobranııah Kazanı» (Qazan jınaqtaryndaǵy Álisher Naýaı qoljazbalary) atty kitaptyń tanystyrylymy ótti.
Budan keıin Ázerbaıjan, Qazaqstan, Qyrǵyzstan, О́zbekstan, Reseı, Tájikstan jáne t.b. shet elderdiń ǵalymdary qatysqan jıyn tórt taqyryp boıynsha arnaıy seksııalyq otyrystarǵa jalǵasty. Seksııalyq otyrysta Ázerbaıjan Ulttyq ǵylym akademııasynyń vıse-prezıdenti, Nızamı Gánjaýı atyndaǵy Ádebıet ınstıtýtynyń bas dırektor Isa Gabıbbeılı, Shyǵys memlekettik murajaıy dırektorynyń orynbasary Ilıa Zaısev, A.M. Gorkıı atyndaǵy Álem ádebıeti ınstıtýtynyń ǵylymı jetekshisi Aleksandr Kýdelın, Álisher Naýaı halyqaralyq qoǵamdyq birlestiginiń jetekshisi Ýlýgbek Sattorov jáne taǵy da basqa belgili ǵalymdar baıandama jasady.
Aıta ketý kerek, Halyqaralyq Túrki akademııasy byltyr Álisher Naýaı men Nızamı Gánjaýı jylyn jarııalap, uly aqyndardyń eńbekterin basyp shyǵaryp, tusaýkeser rásimin ótkizgen bolatyn.
