Elorda • 10 Aqpan, 2022

Nur-Sultanda úı karantınin buzǵandar sany kóbeıdi

36 ret kórsetildi

Nur-Sultanda epıdemıologııalyq ahýal turaqtalyp keledi. О́tken aptamen salystyrǵanda qalada aýrýshańdyq 2,8 esege tómendedi. Bul týraly qalanyń bas memlekettik sanıtar dárigeri Sarhat Beısenova málimdedi, dep habarlaıdy Egemen.kz.

«О́tken aptamen salystyrǵanda aýrýshańdyq 2,8 esege, ıaǵnı 100 myń turǵynǵa shaqqanda 749,0-den 260,6-ǵa deıin tómendedi. Soǵan qaramastan qala koronavırýstyń «qyzyl»aımaǵynda tur», dedi Beısenova.

Alaıda qalada úı karantınin buzǵandar sany kóbeıgen.

«Jyl basynan beri Ashyq júıesine tirkelgen nysandarǵa kelýshiler arasynda 60 400-den astam adamnyń úı karantınin buzǵany anyqtaldy. Onyń ishinde 6 300-den astam adamnyń júıede «qyzyl» statýsy bolǵan, ıaǵnı koronavırýspen aýyryp júrgen adamdar», dedi Beısenova.

Bıylǵy jyly 6 myńǵa jýyq oqýshydan koronavırýs tabyldy.

«Jyl basynan beri 5 929 bala koronavırýs juqtyrdy, onyń ishinde 365 bala oflaın formatta bilim alǵan. 3 345 oqýshy onlaın formatta oqyǵan, 2 219 bala demalys kezinde ınfeksııa juqtyrǵan», dedi ol.

Aıta keteri, elordada ótken táýlikte 305 adamnan koronavırýs anyqtalǵan. Al jyl bastalǵaly 83 917 adamnan Covid-19 tabyldy. Onyń ishinde 79 127 jaǵdaı qańtarda tirkeldi. Sarhat Beısenova muny koronavırýs juqtyrý boıynsha rekordtyq aılyq kórsetkish dep atady.

«Jyl basynda naýqastardyń kóp bolýyna baılanysty naýqastardan alynǵan 51 oń synamaǵa sekvenırleý júrgizildi, nátıjesinde «omıkron» shtamy koronavırýspen aýyratyn 70,6-dan astam astanalyqta anyqtaldy. Al qalǵan 29,4%-inen «delta» shtamy tabyldy. Elordada omıkron shtamy basym bolyp tur», dedi qalanyń bas sanıtar dárigeri.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar