Adasqan 12 bala tabyldy

Balanyń qańǵybas, kezbe bolýy­nyń ózi kóbinese ata-analardyń qyraǵy­ly­ǵy­nyń tómendiginen bolady. Árıne, jumys­bastylyq, bala­larǵa qaraıtyn ýaqyt­tyń tapshylyǵy – balanyń erkin­sýine, qy­dy­rympazdyqqa ushy­ra­ýyna soq­tyrary sózsiz. Qazirgi ba­la­lardy burynǵydaı úıge qamap qoıý da qıyn. Sonymen birge jas ba­laǵa selkeýsiz senim artyp, ony óz betimen qydyrýǵa nemese bir jerge jolaýshylatyp jiberý de artynan qaıǵyly jaǵdaılarǵa soqtyryp jatady. Mysaly, petro­pavldyq bir áıel 10 jasar balasyn qalanyń basqa shetinde turatyn ájesine jalǵyz ji­bergen. Biraz ýaqyttan keıin ba­la­nyń kózdegen jerine jetpegenin bilip, áıeldiń qulyndaǵan jany quraqqa usha­dy. Sóıtse, bala ájesiniń úıiniń mańyna jetkizetin avtobýstyń nómirin shatastyryp, basqa baǵytqa otyryp ketip qalǵan eken. Aıaǵynan tik turǵan polısııa kezekshilikte júr­gen óz­deriniń barlyq ekıpajyn kó­te­rip, balany eki saǵattan keıin ta­ýyp bergen.

Mynadaı oqıǵa da jıi qaıta­la­nady. Aqpannyń 7-si kúni bir bala­qaı jattyǵýdan keıin úıine ýa­qy­­tynda kelmeı qalǵan, telefon qo­ńy­raýlaryna jaýap bermegen. Onyń anasy synyptasynyń ata-ana­syna habarlasady. Olar «Gde moı detı?» mobıldi qosymshasyn paıda­lanady eken, sol baǵdarlama bo­ıynsha balasynyń Qazaqstan Konstıtýsııasy kóshesi boıyn­daǵy syrǵanaqta bolǵanyn, keıin baılanys úzilgenin bile­di. Iývenaldyq polısııa qyz­metkerleri osy málimetke súıe­nip, sol tóńirekti sholýǵa kiris­ken. Balalardyń jaqyn mań­daǵy saý­da núktelerine jy­lynýǵa kirýleri múm­kin degen oılary durys bolyp shyǵady. Balalar osy jerdegi sý­per-mar­kettiń ishinde saırańdap júr­­­gen jerlerinen tabyldy. Oıynǵa aldanyp júrgende, tele­­fondarynyń qýaty da taý­sylyp qalǵan eken. Bala­qaı­lar ata-analaryna aman-esen ta­bys­­taldy.

Basqa balalar da osy joldar­men tabyldy. Qaladaǵy jalpy tártiptiń saqtalýynyń nátı­je­sinde olarǵa eshkim tımegen, ózderi de esh buzaqylyq ja­sa­maǵan.

«Ár ata-ana balalarynyń kó­shede, dalada qaýipti únemi oılap, saq bolýy ke­rektigi týraly ba­la­larymen jıi áńgi­melesýi qa­jet. Telefondarynyń qýa­ty tolyq bolýyn jáne dybysy qosý­ly bolýyn da qadaǵalaý qa­­jet», deıdi Petropavl qalalyq PB JPQ bó­limi ıývenaldyq polısııa­ bó­lim­­­she­si­niń bastyǵy Elmıra Abýsheva.

PETROPAVL