Depýtattarǵa sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraý usynyldy.
«Zań jobasynda memlekettik qyzmetshiler, olarǵa teńestirilgen adamdar, olardyń jubaılary shyǵystarynyń atalǵan adamdardyń kiristerine sáıkestigin baqylaý engiziledi ári fıskaldyq jáne mansaptyq sanksııalar belgilenedi. Bul rette árbir jaǵdaıda adamǵa shyǵystarynyń zańdylyǵyn negizdeý múmkindigi beriletin bolady. Atalǵan jańalyqtardy halyqty jalpyǵa birdeı deklarasııalaýmen tolyq aýqymdy qamtýdy eskere otyryp, 2027 jyldan bastap qoldanysqa engizý josparlanyp otyr», delingen habarlamada.
Túzetýlerdiń ekinshi blogy sybaılas jemqorlyq faktileri týraly habarlaǵan adamdardy qorǵaý júıesin qalyptastyrýǵa baǵyttalǵan.
Palata qaraýyna volonterlik qyzmet, qaıyrymdylyq, memlekettik áleýmettik tapsyrys jáne úkimettik emes uıymdarǵa arnalǵan granttar máseleleri boıynsha túzetýler týraly zań jobasy birinshi oqylymda engizilmek.
Bıýro otyrysynda qorǵanys ónerkásibi jáne memlekettik qorǵanystyq tapsyrys týraly zań jobasyn jumysqa alý máseleleri de qaraldy.
Sonymen qatar Májilis Bıýrosy Memleket basshysy Qasym-Jomart Toqaevtyń tapsyrmalarynyń oryndalýyn qadaǵalaý jáne júzege asyrý maqsatynda qurylǵan «Jańa Qazaqstan» depýtattyq tobyn tirkedi.
