Komıssııa qurmasa jumys tabylmaı ma?

Osy oraıda Mańǵystaý oblysy ákiminiń tapsyrmasyna sáıkes 8 aq­pan­nan bastap Mańǵystaý oblysy áki­miniń birinshi orynbasary Abzal Meń­di­baevtyń tóraǵalyǵymen Jańaózen qa­lasynda halyqty jumyspen qamtý máseleleri jónindegi oblystyq komıssııa jumysyn bastady. Oblystyq komıssııanyń basty mindeti – jumyspen qamtý algorıtminiń ashyqtyǵy men ádil­di­gin qamtamasyz etý jáne jumyssyz aza­­mattarǵa jumysqa ornalasýǵa múm­kin­­dik berýdi jalǵastyrý.

Komıssııa quramyna memlekettik organdar, «QazMunaıGaz» UK» AQ, «О́zenmunaıgaz» AQ ókilderi kirdi. Arnaıy qurylǵan oblystyq komıssııa bastamashyl top ókilderimen kezdesip, halyqty jumyspen qamtý máselelerin tal­qylady. Eki tarap ta ózekti másele­ler­di jan-jaqty qarastyryp, kelip túsken usynystardy zerttedi.

Mańǵystaý oblysynyń ákimi baspa­sóz qyzmetiniń habarlaýynsha, oblystyq komıssııa jumyssyz azamattardy 3 ba­ǵyt boıynsha jumysqa ornalastyrý týraly sheshim qabyldady.

Qazir qalalyq jumyspen qamtý ortalyǵy arqyly «О́zenmunaıgaz» AQ-da 100, servıstik qyzmet kórsetetin seriktestikterde 61 jańa jumys orny qurylyp, halyqtyń osal toptaryna jata­tyn azamattardy jumysqa orna­las­tyrý josparlanyp otyr. Bul baǵyt­ta arnaıy komıssııanyń sheshimine sáı­kes 2022 jyldyń aqpan aıyndaǵy jaǵ­daı boıynsha qoldanystaǵy algorıtm negizinde 5 sanat boıynsha kezekte turǵan 100 adamdy jumysqa ornalastyrý josparlanýda. Jyl sońyna deıin 400-den astam adamdy jumyspen qamtý kózdelip otyr. Osy algorıtm boıynsha tıisti sharalar aldaǵy ýaqytta da jal­ǵa­sady.

Jańadan qurylatyn 61 jumys ornyna úmitkerler jumyssyz azamattar qatarynan iriktelip, «О́zenmunaıgaz» AQ servıstik qyzmet kórsetý mekemeleri – «KEZBI», «О́zenPromGeofızıka», «BatysGeofızServıs», «Alıans­OılServıs», «KazPromTehKompanı», «Semser-О́rt sóndirýshi», KUNAN-HOLDING JShS-na jumysqa qabyl­da­nady.

Jańaózen qalalyq jumyspen qamtý ortalyǵynda 5 sanat boıynsha jáne orta merzimdi kezeń boıynsha kezekte turǵan azamattardy eńbekpen qamtý jumystary jyl boıy jalǵasady. Sondaı-aq Ja­ńa­ózen qalasyndaǵy shaǵyn jáne orta bıznes ókilderin jumysqa tartý arqyly «О́zenmunaıgaz» AQ-da uzaq merzimdi talap etiletin jospar boıynsha túrli qyzmetter kórsetetin jeke kásipkerlerdi tartý arqyly jańa jumys oryndaryn qurý kózdelýde. Osy maqsatta «QazMunaıGaz» UK» AQ men shaǵyn jáne orta bıznes ókilderi arasynda uzaq merzimdi kelisimsharttar jasasý boıynsha jumys júrgizý týraly sheshim qabyldandy.

«Aýtstaffıng» mekemelerinde ju­mys­qa qabyldaýdyń ortalyq­tan­dy­ryl­ǵan júıesi aıasynda sońǵy 2 jylda 1 700 azamat jumysqa ornalasty. Bul óz kezeginde atalǵan algorıtmniń tıim­di­li­gin kórsetti, dep túsindirdi Mań­ǵys­taý oblysy ákimdiginiń baspasóz qyzmeti.

Eger jumys tabylatyn bolsa eldi shýlatpaı, komıssııa qurmaı-aq jumys izdegenderdi qabyldaı berýge buǵan deıin qandaı kedergi bolǵan?

Mańǵystaý oblysy