Kompanııanyń qyzmetin Básekelestikti qorǵaý jáne damytý agenttiginiń Almaty qalasyndaǵy mamandaryn tarta otyryp, prokýratýra tekseredi.
Kompanııa ońtústik óńir naryǵyndaǵy suıytylǵan munaı gazynyń 76,9%-yn satýmen aınalysady.
«Mamandardyń qorytyndysyna sáıkes, 2021 jyldyń qyrkúıeginen jeltoqsanyna deıin Petrosun osy erejeni teris paıdalana otyryp, aı saıyn avtogaz baǵasynyń maksımaldy deńgeıin kótergen. Saldarynan kórsetilgen kezeńdegi shyǵyn bir tonna taýarǵa 323,8%-ke deıin ósti», dep atap ótti baspasóz qyzmeti.
Qazaqstan Qylmystyq kodeksiniń 221-babynyń 2-bóligi (monopolıstik qyzmetti teris paıdalaný) boıynsha qylmystyq is qozǵaldy. Sotqa deıingi tergep-tekserýdi júrgizý Almaty qalasy boıynsha ekonomıkalyq tergeý departamentine tapsyryldy.
Prokýratýra basqa málimetterdi jarııa etýge bolmaıtynyn atap ótti.
