Ispanııanyń IýNESKO qamqorlyǵyndaǵy eń kóne eki qalasy – Baesa men Ýbeda aralyǵyn jalǵaǵan 188 shaqyrym qashyqtyqta Qazaqstan chempıony Alekseı Lýsenko aldyna jan salmady. Lotto Soudal komandasynyń belgııalyq ókili Tım Vellens máre syzyǵyn ekinshi bolyp qıyp ótse, taǵy bir belgııalyq veloshabandoz Loık Vlıgen (Intermarché – WantyGobert Matériaux) úshinshi satyǵa taban tiredi.
Bir kúndik jarysta Lýsenkonyń jeńiske jetýine Astana Qazaqstan Team velokomandasynyń ókilderi – Nurbergen Nurlyqasym, Dmıtrıı Grýzdev, Iýrıı Natarov, Evgenıı Fedorov (bári de – Qazaqstan), Mıgel Anhel Lopes (Kolýmbııa) jáne Davıde Martınellı (Italııa) kómektesti.
Aıta keteıik, A.Lýsenko osy nátıjesiniń arqasynda jańarǵan Astana Qazaqstan Team velokomandasynyń halyqaralyq jarystardaǵy alǵashqy jeńisin tirkedi.
