Qazaqstannyń Vıse-Premeri Pavlodar oblysyna jumys saparymen bardy.
Ekibastuz qalasynda Eraly Toǵjanovtyń tóraǵalyǵymen halyqtyń áleýmettik qorǵalmaǵan toptaryna áleýmettik qorǵaý jáne medısınalyq kómek kórsetý júıesinde oryn alǵan problemalar men olardy sheshý joldary talqylandy.
Keńeske jergilikti jáne ortalyq memlekettik organdardyń basshylary qatysty. Kezdesýde uzaq ýaqyt qoǵamnan oqshaý ómir súrgen tórt balamen bolǵan jaǵdaı bólek talqylandy.
Qıyn ómirlik jaǵdaıǵa tap bolǵan otbasy Ekibastuz páterleriniń birinen anyqtaldy. Qazir olarǵa jan-jaqty qoldaý kórsetilýde, al quzyretti organdar kómekke muqtaj balalar men olardyń ata-analary jergilikti atqarýshy organdar tarapynan nelikten nazardan tys qalǵanyn túsiný úshin tergeý júrgizýde.
«Balalardy áleýmettik qamsyzdandyrý, olardyń quqyqtary men múddelerin qorǵaý memlekettik saıasattyń basymdyǵy bolyp tabylady. Elimizde 6,3 mıllıon bala bar, bul Qazaqstan halqynyń 32%-yn quraıdy. Biz ár balanyń ómirine jaýap beremiz», dedi Premer-Mınıstrdiń orynbasary.
Vıse-premer bir aı merzimde áleýmettik jáne medısınalyq kómekke muqtaj otbasylardy anyqtaýǵa kirisýdi, balalardyń turǵylyqty jeri boıynsha emhanaǵa tirkelýin qadaǵalaý múmkindigimen olardyń qozǵalysyn esepke alýdyń elektrondyq kartasyn engizýdi jáne ómirlik qıyn jaǵdaıǵa tap bolǵan adamdarǵa qoldaý kórsetý máseleleri boıynsha vedomstvoaralyq ózara is-qımyl algorıtmin bekitýdi tapsyrdy.
