Sondaı-aq, portal arqyly kepildendirilgen áleýmettik toptamalarǵa 234 tapsyrys rásimdeldi.
Eńbek jáne halyqty áleýmettik qorǵaý mınıstrliginde habarlaǵandaı, portal erekshe qajettilikteri bar adamdarǵa ońaltýdyń tehnıkalyq quraldary men qyzmetterin óndirýshi men jetkizýshini óz betinshe tańdaýǵa múmkindik beredi.
«Kómek túrine tapsyrys berý ótinish berýshiniń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen OTQ-ny jetkizý nemese ózdiginen alyp ketý arqyly alýǵa bolady. Múgedek adamdardy ońaltý quraldarymen qamtamasyz etý protezdik-ortopedııalyq, sýrdotehnıkalyq, tıflotehnıkalyq jáne gıgıenalyq quraldardy, sondaı-aq kreslo-arbalar berýdi qamtıdy», delingen vedomstvo habarlamasynda.
Vedomstvonyń málimetinshe, portalda arnaýly áleýmettik qyzmet kórsetetin 799 medısınalyq-áleýmettik mekeme bar, 157 OTQ jetkizýshisi, 16 myńnan astam jeke kómekshi qyzmetin, 289 ymdaý tilin, 83 sanatorıı-kýrorttyq emdeýdi jetkizýshi jáne 135 shok jetkizýshisi tirkelgen.
«Áleýmettik qyzmetter portaly» avtomattandyrylǵan aqparattyq júıesin engizý múgedek adamdardyń quqyqtaryn qamtamasyz etý jáne ómir súrý sapasyn jaqsartý jónindegi Ulttyq Jospar sheńberinde kózdelgen.
