Kezdesý barysynda Elshi Qazaqstan Úkimetiniń eldegi áleýmettik-ekonomıkalyq jáne saıası jaǵdaıdy odan ári damytý boıynsha qabyldap jatqan sharalary týraly habardar etti.
Is-sharada Prezıdent Qasym-Jomart Toqaevtyń ekonomıkalyq jáne demokratııalyq reformalar baǵytyn túsindirýge, sondaı-aq sheteldik ınvestısııalardy tartýǵa jáne Qazaqstannyń halyqaralyq mindettemelerdiń myzǵymastyǵyna erekshe nazar aýdaryldy.
О́z kezeginde armıan tarapy Qazaqstan basshylyǵynyń saıasatyna qoldaý kórsetip, qos el arasyndaǵy ózara tıimdi qarym-qatynastardy odan ári nyǵaıtýǵa nıetti eken aıtty. Bul turǵyda taraptar ekijaqty saýda-ekonomıkalyq jáne ınvestısııalyq yntymaqtastyqty keńeıtý máselelerin, sondaı-aq 2021 jylǵy 26 mamyrdaǵy Úkimetaralyq komıssııanyń 8-shi otyrysynyń Hattamasyn oryndaý prosesin jáne 2022 jylǵa arnalǵan jumys josparyn talqylady.
Mınıstr 2021 jyldyń qorytyndysy boıynsha ekijaqty taýar aınalymy ósýiniń joǵary dınamıkasyna toqtalyp, saýda-ekonomıkalyq jáne ınvestısııalyq yntymaqtastyqty jandandyrý qajettigi týraly aıtty.
Taraptar ekonomıkalyq kún tártibindegi kóptegen máseleler boıynsha eki eldiń múddeleri sáıkes keletinine nazar aýdaryp, tájirıbe almasýdyń, bıznes-baılanystardy odan ári jolǵa qoıýdyń jáne jańa múmkindikter izdeýdiń mańyzdylyǵyn atap ótti.
Qazaqstan-Armenııa ekonomıkalyq yntymaqtastyǵyn damytýǵa qosqan zor úlesi úshin Elshi B.Imanbaev V.Kerobıanǵa Qazaqstan basshylyǵynyń atynan «Qazaqstan Táýelsizdigine 30 jyl» medalin tapsyrdy.
